MÜCHITMUDU 17:12 - AMÜSÜH HÜM CL Bible (BSI)

¹² Makharü khülang anihbuh makhade makeangkhi ching shorupü kheaknü a anunubo jangkhide atsokhi kuto dreto shorukhi atsübe ah.

MÜCHITMUDU 17:12 Iomraidhean Croise

2 SAMUEL 17:8

Hushainü thalo, “Nü buh tüsho api mihtsürübo thirithsürübo ah de nünü mükheahlah, tüsho arübo thulu ching kuto anunubo jangkhikhi nangde bukmüke ah. Ju lang yung, nü buh ju thirithsüpü ching athsüso; apinü azhing ching bonungrü lung mülachoh.

2 KIULONG THSÜRÜ 2:24

Küyimki apinü rholobah arü ngükhea, apinü Atungpuh mung chingnü arübo athru. Judüki kuto dreto 2 murung chingnü akhiuk tüsho azürü 42 ju adütre kamde chakthünak.

MÜCHITMUDU 17:11

Amütsü mihtsürünü azhihpü lang yimchoh; jumonü bukmüke yunithsürü api azhihde athiyibah.

MÜCHITMUDU 27:3

Lung ju mülanglah tüsho loyi adünkhitlah, tüshe makharü bukmükekhi ju ane chido kheaknü amülangbe ah.

MÜCHITMUDU 28:15

Mihbukmuyuknü zhochihrü kurungkheak yakzan shuhkhi ju arungkhi kekhüzü yungsho kuto amürük nangde lah.

MÜCHITMUDU 29:9

Lümlung lakhi mihtsürünü makha mihtsürü kheak atsangachihsho makharünü bukakhiukkhiuk she yungsho münene she, ju ching keamramde müla.

HOSEA 13:8

Anunu dükheakkhi kuto nangde inü arü kheak keamkihbah, tüsho arü khüh chakashungbah; mütüm shiwühnü arü chakthünakkhi nangde, kekhüzü nangde ju ching inü arü tsühbah.

MATHI 2:16

Küyimki mükheahmudurübonü api mülapyukdo de Herodnü amükheahkhea, api khide bukakhiuk; tüsho apinü mükheahmudurübo kheaknü anikhitkhi kim ayannü Bethlehem tüsho ju mühi athrürü nunu kam mahnenü abukkhüp alala laksahpü thiyukhüm jih.