MÜCHITMUDU 16:7 - AMÜSÜH HÜM CL Bible (BSI)

⁷ Küyimki mihtsürü limrobonü Atungpuh asühshihbanü, apinü anihbuh riribo she api lung mungtsü lashichoh.

MÜCHITMUDU 16:7 Iomraidhean Croise

THRÜNTAN 27:41

Jumonü abuhnü api müngühjihkhi dünkheak Esaunü Jakob lungkhangde kam, tüsho Esaunü amulong ching tha, “I buh dünkheak tüzhopü nimungbo thüninde lah; jushu inü I niurü Jakob laksahbah.”

THRÜNTAN 32:28

Tüsho apinü tha, “Nü mung kheaküa Jakob de müji, tüshe Israel; tümüde nünü Thrünpuh tüsho mihtsürübo bede shochih, tüsho kukdo.”

THRÜNTAN 33:4

Tüshe Esaunü api shorupü alihde yübah kap, tüsho ahung kheak kapbah api müthsüp, tüsho arünü trip.

2 KIUTHSÜYUKHEAN 17:10

Atungpuh trekhi Juda mühi lomi kiulongthsü alala kheak yükih, tüsho arünü Jehoshaphat azhihde thiri müthsü.

2 KIUTHSÜYUKHEAN 20:30

Tüsho Jehoshaphat kiulongthsü keamramde kam, tümüde api Thrünpuhnü anihbuh kilim mühi alala ching sühakhim jih.

EZRA 8:36

Arünü kiulongthsüpuhnü ajihkhi mütsanhüm she lubah Aniyüzahlim Euphrarü kovünor tüsho atorübo kilim jih, tüsho arünü alode mihtsürü tüsho arüngyam thsungkheak arung jih.

MUNGSHIKHÜN 69:31

Hanü ajuhbo tüsho abiuobo kihkhi moshi yungsho moshipung kheaknü atsübe thsüde Atungpuh asühshihbah.

ABEKHIT 3:21

Inü Ijiprübo ki nüsa muzhoshihbah tüsho küyimki nüsa yübanü khahkeang mutso.

MÜCHITMUDU 16:8

Thiyuro mülade ahihdo alü thsükhi kheaknü thiyuro-lungkinü anikhüh lakhi atsübe.

MÜCHITMUDU 3:17

Anihbe limrobo ju abünazün tüsho anihbe tsahpungbo mungtsü lah.

JEREMIA 15:11

Atungpuhnü tha: Tsükjide nüsa asheaningrü lung tsüde alabah, tsükjide inü thsümütsü tüsho küpkhuk kim ching nü riribonü nü ki mushushihbah.

JEREMIA 39:12

“Api bea lubah tsüde kheahang tüsho api ki amütsü düthsü, tüshe apinü akeokhikhi nangde api thsungkheak rhimoang.”

JEREMIA 42:12

Inü nüsa ki mihmüthsüm mülüjihbah, tüsho apinü nüsa kheak mihmüthsüm labah tüsho nüsa asürüpung lomi ching nüsa yülobah.

DANIEL 1:9

Kheakü Thrünpuhnü akubeatobuh ki Daniel lümrhihshihpü jih.

ROMRÜ KILIM PAULNÜ ATHRÜTKHI KIHÜM HUHTANYU 8:31

Dale tüsho isanü ha küde athaba? Thrünpuh ju isa thsungkheak a sho, isa azhihrü she la?

FILIPI 4:18

Inü khiukde tüsho alü she leangkhido; nüsanü amühahkhi thsambahbo rhümthünea kingaün aleangkhikhukbe, shuhmülanga jihbe tüsho Thrünpuh asühshihbe Epaphrodita kilimnü leangkhibah I suhdahde lah.

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

KOLOSI 3:20

Tsührübo, lüpdükhi ching nüsanü berübuhrü ki mihyuaniang, tümüde hanü Atungpuh asühshihchoh.

IBRI 13:21

api lümkhi rhimopü atsü lüpdükhi ching nüsa ayuk lashang, tüsho apinü amulongkhi Jisu Khrista hode isa kheak rhimoshang; lünnü lün api müretahshang. Amen.

1 PETER 3:13

Kheakü nünü atsü rhimopü künsho shenü nü trünthsüpüla le?

1 JOHAN 3:22

tüsho isanü tümüpürü kheangbanü isanü api kilimnü leangkhichoh, tümütüsho isanü api yuzüngbo zochoh tüsho api asühbe rhimochoh.