MÜCHITMUDU 16:6 - AMÜSÜH HÜM CL Bible (BSI)

⁶ Mihmüthsüm tüsho thiyuro ching amülimkhi dünkheak dünthsükhido; tüsho Atungpuh trekhi hode khürünü amütsü chingnü chamkhichoh.

MÜCHITMUDU 16:6 Iomraidhean Croise

THRÜNTAN 20:11

Tüsho Abrahamnü alo, “Tümütüsho atsütsünü ha dangpung ching Thrünpuh trekhi müla, tüsho arünü I niube dünkheaknü I laksahbah de inü lüm.

NEHEMIA 5:15

I müngüh kovünorübonü a mihtsürübo ki jim tüsho yukhu thsungkheak nimung aban shotoyinchi 40 lude hahmülang jih. Arü yamlarübonü she mihtsürübo juno. Tüshe inü a büthsüde rhimodo, tümüde inü Thrünpuh ki wüntre jihchoh.

NEHEMIA 5:9

Tüsho inü tha, “Nüsanü arhimokhi ju amülim ah! Nüsanü Thrünpuh ki mihyu anibeah tüsho alungki rhimobeah. Jude athsükhinü isa riri khiungkerü ki isa luhmünepü thsüde nüsanü amütsan tümü müjihde alabah.

JOB HU H T ANYU 28:28

Tüsho apinü mihtsürü ki tha, “Tsükjide, Atungpuh wüntrekhi ju lümlung ah; tüsho amütsü-rhimo chingnü achamkhipü ju anikhitkhi ah.”

MUNGSHIKHÜN 85:10

Mihmüthsüm tüsho thiyuro rukhüh shoruachihdo; thiyuro-lungki tüsho mungtsü müthsüpachihdo.

ABEKHIT 1:17

Tüshe anenü Thrünpuh trekhinü kiulongthsüpuhnü athakhi ju manide khungarü athrürü zübekhibo ju rhangdung lashih.

ABEKHIT 20:20

Tüsho Mosanü mihtsürübo ki tha, “Dütre; tümüde nüsa rüka kheahpü Thrünpuh arüdo, tüsho api trekhi nüsa miki labah, junangde nüsanü neak müyihbeak.”

MÜCHITMUDU 14:16

Lümlung larü mihtsürünü trechoh tüsho amütsü chingnü chamkhichoh, tüshe makharünü mükümkang tüsho khide niokheamde rhimochoh.

MÜCHITMUDU 14:2

Shepünü nihbuh alungki ching tsahchonü Atungpuh trechoh, tüshe shepü nihbuh limro mulungkinü api mükhemükimchoh.

MÜCHITMUDU 14:27

Atungpuh trekhi ju rhangdung kenü ah, junü ashe müthrim bahkhichoh.

MÜCHITMUDU 16:5

Mihbüm aban mulong ching kükheangrü Atungpuh kilim athraneanbe lah; apinü küyimkishe arübo müthsümüchidüa mutsoshih.

MÜCHITMUDU 20:28

Mihmüthsüm tüsho thiyuronü kiulongthsüpuh küma lashihchoh, tüsho amuzhokhinü apinü anihbuh kiulongthsü-binkiu tholobah lachoh.

MÜCHITMUDU 3:3

Mihmüthsüm tüsho thiyuronü nü dübahyukshih; jurü nü hung mükamde rhükkihang, nü mulong kheak thrütkihang,

MÜCHITMUDU 3:7

Nü küdah thsüde nü alü lümlung larü ah de dülüm; Atungpuh treang tüsho amütsü chingnü rholoang.

MÜCHITMUDU 8:13

Atungpuh trekhi ju amütsü thraneanpü ah; lülüshishi le akükheang tüsho amütsü limro le mülapmüji mün inü thraneanlah.

DANIEL 4:24

athanakkhi ju ha lah, O kiulongthsüpuh, tüsho ha I tungpuh kiulongthsüpuh kheak arükhi Khide Achangbuh yuzüng ah:

DANIEL 4:27

Jumonü, O kiulongthsüpuh, inü athakhi yanang. Neak yihbeakpü tukloang, tümü alim lanü rhimoang, tüsho zhochihrü ki müthsümang. Junangde nü lalim tsüde alabah.”

LEVI 25:17

Jumonü nüsanü khülangnü khülang kheak dümülapyuk, tüshe nüsanü nüsa Thrünpuh wüntreang, tümüde I Atungpuh nüsa Thrünpuh ah.

LUKNÜ ATHRÜTKHI THIYUSHEAK-ATSÜ HUHTANYU 11:41

Tüshe nüsa pung le phuru ching lakhi ju zhochihrü kilim jihang; jushu nüsa thsungkheak alala amüsüh labah.

JOHAN 15:2

I kheak aso masokhi khah aban apinü rhea bahchoh; tüsho aso asokhi khah aban hihde asoshihpü apinü mülakkhitchoh.

YUNIRÜBO RHIMO 15:9

tüsho apinü isa le arü dükeak tümü mübüthsüjih, tüshe akinnü arü mulong müsühjih.

2 KORINT 7:1

Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.

EFISIA 5:21

Khrista ki wüntre jihkhi hode khülangnü khülang bukkhüp laang.

YUZÜNGTHALO 30:13

Yungsho nüsanü hade athapü thsüde keto hobah yung, ‘Isanü sobah ju rhimopü thsüde, shepünü isa thsungkheaknü keto hode yübah isa kilim hande arüba?’

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.