MÜCHITMUDU 16:33 - AMÜSÜH HÜM CL Bible (BSI)

³³ Azan thsükhi ju pho kheak zochoh, tüshe ju khikzhakpü Thrünpuh kilimnü lah.

MÜCHITMUDU 16:33 Iomraidhean Croise

NEHEMIA 11:1

Limberübo Jirusalem ching la, tüsho mihtsürü püpürübo thürü ching khülang mokhitbah amüsüh Jirusalem kiuto ching lashihpü thsüde azan thsü, tüshe aningkhi shihcham tuku ju a püpü kiutobo ching la.

MÜCHITMUDU 16:32

Arümkheamkhi ju athrungkhi kheaknü atsübe, tüsho shepünü nihbuh sungsungkhi danyukchonü kiuto yankhia lurü kheaknü atsübe.

MÜCHITMUDU 18:18

Sühmüh lakhi mihtsürü mahne mahkhappung ching azhihachihsho, azan thsükhinü neamneamruru mülüpü kuklah.

MÜCHITMUDU 29:26

Ahihkhühnü yakzanshuhrü amuzho yimchoh, tüshe mihtsürü thsungkheak thiyuro ju Atungpuh kilimnü ngüchoh.

EZEKIEL 21:21

Tümüde Babilon kiulongthsüpuhnü kuhi kheahpü limdübeak ching, limro mahne dübeakkhi kheak tuklobah: Apinü hühzo mahnenü azan thsübah, apinü anihbuh sangthsübo keobah, apinü shihmüsan kheak kheahbah.

LEVI 16:8

Jude thsah Aronnü mihnu mahne kheak azan thsübah: Khülang Atungpuh thsungkheak tüsho püpü ju Azazel thsungkheak.

JONA 1:7

Sangkung berübonü khülangnü khülang ki thaachih, “Arang, isanü azan thsanü, junangde she dünkheaknü ha thsümütsü isa kheak arüa lanü isanü amükheahbah.” Jumonü arünü azan thsü, tüsho azan ju Jona kheak akhiuk.

YUNIRÜBO RHIMO 1:26

Arünü azan thsü, tüsho azan ju Mathia kheak akhiuk. Tüsho api ju amüsühthsangyurü thürükheak khülang lung kheyuk.

JIHUSUA 18:10

Arübo thsungkheak Jihusuanü azan thsüde Atungpuh ki keokhi tüsho Israel trükbo kilim alo chama jih.

JIHUSUA 18:5

Arünü ju shihcham thüne thsüde achambah, Juda ju düjinglim lomi ching, tüsho Josep yamkhün dukulim lomi ching labah.

JIHUSUA 7:14

Jumonü nüsa trükbo ayannü yapsu arübah. Atungpuhnü athrükhitkhi trük ju guk ayannü arübah; kheaküshe Atungpuhnü athrükhitkhi guk ju yamkhün ayannü arübah, tüsho Atungpuhnü athrükhitkhi yamkhün ju mihtsürü khülang khülang arübah.

MAHKHAPRÜ 20:9

Tüshe kheakü isanü Gibea kheak ha rhimobah: isanü azan thsüde mihtsürü mokhitbah Gibea yanbah.

1 SAMUEL 10:19

Tüshe khihni nüsanü nüsa Thrünpuh shepünü nüsa thsümütsü dünjikhi tüsho lümthsünübo chingnü khümkhitchonü api bahyuk; tüsho nüsanü tha, ‘Yung! tüshe kiulongthsürü khülang isa kurungkheak zojang.’ Jumonü kheakü nüsanü Atungpuh miki nüsa trükbo tüsho gukbo ayannü mukhungang.”