MÜCHITMUDU 16:23 - AMÜSÜH HÜM CL Bible (BSI)

²³ Lümlung larü mulongnü nihbuh mün thsangyuchoh, tüsho anihbuh münküpbo kheak anikhitkhi yukajakchoh.

MÜCHITMUDU 16:23 Iomraidhean Croise

JOB HU H T ANYU 15:2

Lümlung larü mihtsürü khülangnü akeangkeang mükheahmudunü aloba de, tüsho aniakhiuklim pungnü api mishihba de?

JOB HU H T ANYU 8:10

Arünü nü ki müthsangyuba de tüsho müthaba de tüsho arü anikhitkhi chingnü thiyu müthaba de?

MUNGSHIKHÜN 45:1

I mulong ju mükkheahkih atsünü mikhiukde lah; inü athrütmukhungkhi kiulongthsüpuh ki khechoh; I mulo ju athrütpü thsakhama larü dosang nangde lah.

MÜCHITMUDU 15:28

Thiyuro-lungkirü mulongnü küde alobeanü lümakheahchoh, tüshe mihbukmuyuk münnü amütsü thakhitchoh.

MÜCHITMUDU 15:7

Lümlung larü münküpbonü mükheahmudu bushihchoh, tüshe makharü mulongnü jude müthsü.

MÜCHITMUDU 16:21

Mulong ching lümlung lakhi ju mütsankhitkhi de jichoh, tüsho thiyu akebonü anikhitkhi rünkihshihchoh.

MÜCHITMUDU 16:22

Shepü anikhitkhi lanü ju rhangdung kekhip ah. Tüshe makharünü thsülangkhi ju mudukmükekhi lah.

MÜCHITMUDU 5:2

junangde nünü adüngakhi lashihbah tüsho nü münküpbonü mükheahmudu zobah.

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.