MÜCHITMUDU 16:21 - AMÜSÜH HÜM CL Bible (BSI)

²¹ Mulong ching lümlung lakhi ju mütsankhitkhi de jichoh, tüsho thiyu akebonü anikhitkhi rünkihshihchoh.

MÜCHITMUDU 16:21 Iomraidhean Croise

1 KIULONG THSÜRÜ 3:12

kheakü inü nü yu yande rhimochoh. Atsütsü inü nü kilim lümlung tüsho mütsankhitpü lümkhi jihchoh; nü müngüh sheshe nü ruk mülakheah tüsho nü ruk sheshe nü dunglim masürü.

MUNGSHIKHÜN 45:2

Nü a mihtsürü tsührü bolung akhamkhi lah; nü münküp kheak mihmüthsüm bukkih; jumonü Thrünpuhnü lünnü nü müngühjihbah.

MÜCHITMUDU 10:13

Shepü anikhitkhi lanü amünküpbo kheak lümlung ngüchoh, tüshe tso khülang ju anikhitkhi mülarü düthsün thsungkheak lah.

MÜCHITMUDU 10:23

Makharü ki a amütsü rhimokhi ju hoshihorakhi nangde lah, tüshe anikhitkhi mihtsürü a lümlung lah.

MÜCHITMUDU 10:8

Mulong rhangrünü thiyukhümbo leangkhichoh, tüshe makhayu thakhi athsümünim arüchoh.

MÜCHITMUDU 15:7

Lümlung larü münküpbonü mükheahmudu bushihchoh, tüshe makharü mulongnü jude müthsü.

MÜCHITMUDU 16:22

Shepü anikhitkhi lanü ju rhangdung kekhip ah. Tüshe makharünü thsülangkhi ju mudukmükekhi lah.

MÜCHITMUDU 23:15

I tsah-a, nü lümlung lasho I mulong asühbah;

MÜCHITMUDU 27:9

Rhümthüneabe tüsho jinjinlaknü mulong asühshihchoh, tüshe me a küpkhuknü thsümünimshihchoh.

T H S AN GYU T H S AN GR ARÜ 12:10

Thsangyuthsangrarünü asühbe yubo ngüpü yim, tüsho apinü thiyuro tüsho alungki yubo thrüt.

ISAIA 50:4

Atungpuh Thrünpuhnü I kilim thsangyupü mulo khülang jih, junangde inü keaksahrü thiyu khülangnü reangzahshihpü mükheahbah. Yapsu aban apinü I yihmusuchoh– khürükhüh thsangyukhi anipü nangde I nükhün dukoshih.

HOSEA 14:9

Sherü lümlung lanü harü anikhitchoh; sherünü kheahkhitlanü jurü mükheahlah. Tümüde Atungpuh limrobo ju alungki, tüsho thiyurolungkirünü jurü ching tsahchoh, tüshe alakmihrünü jurü ching jing mükhechoh.

MATHI 11:25

Ju kim ching Jisunü tha, “Inü nü shichoh, Abuh, thüning tüsho alomi Tungpuh, tümütüsho nünü harü lümlung larü tüsho anikhitrü kheaknü müyima zo, tüsho azürü aninibo ki akhiuka huh.

LUKNÜ ATHRÜTKHI THIYUSHEAK-ATSÜ HUHTANYU 4:22

Alalanü api dünkheak tsüde asuk, tüsho api mün chingnü akhiukkhi amuzho yubo ju müyinsah; tüsho arünü tha, “Ha Josep tsührü yung de?”

JOHAN 7:46

Atorübonü alo, “Mihtsürü shenü she ha mihtsürü ruk masuk!”

ROMRÜ KILIM PAULNÜ ATHRÜTKHI KIHÜM HUHTANYU 16:19

Nüsanü mihyuanikhi dünkheak mihbüm abannü sodo, jumonü nüsa kheak I asühkhinü mide lah; tüshe nüsanü atsü dünkheak inü nüsa lümlung larü tüsho amütsü dünkheak lümlang thsüshihnelah;

JAKOB 3:17

Tüshe akulimnü arükhi lümlung ju akhuhde atsangkhitkhi, jushu mungtsü, azhihayih, zhakmüzhi, mihmüthsüm tüsho sangaso atsünü mide, jakkheahkhi tüsho yiuhkhapkhi müla.