MÜCHITMUDU 16:17 - AMÜSÜH HÜM CL Bible (BSI)

¹⁷ Alungkirü limto ju amütsü kheaknü achamkhipü lah; shepünü nihbuh limro aheangchonü api rhangdung aheangchoh.

MÜCHITMUDU 16:17 Iomraidhean Croise

JOB HU H T ANYU 1:1

Mihtsürü khülang Uz lomi ching amung Job de alakheah. Api ju mungchih mülarü tüsho alungki, Thrünpuh wüntrerü tüsho amütsü chingnü tsokhide alakheah.

MÜCHITMUDU 10:9

Thiyuro mihtsürü a kuram tsüde tsahchoh, tüshe shepü akhürang limrobo ching lanü aramkhitbah.

MÜCHITMUDU 19:16

Shepünü thiyukhümbo zochonü nihbuh rhangdung kümchoh, tüshe shepü nihbuh limrobo mükümkangnü ashebah.

MÜCHITMUDU 21:23

Shepünü nihbuh mün tüsho mulo kümkangchonü küpkhukbo chingnü api me tsokhitchoh.

MÜCHITMUDU 22:5

Ayangbo tüsho müthrimbo mulomülaprü limro ching lah; shepünü nihbuh me kümchonü jurü kheaknü limshude alabah.

MÜCHITMUDU 4:23

Nü lümzülümdokhi kümkangang; tümütüsho ju kenü ah.

ISAIA 35:8

Ju ching limto khülang labah tüsho ju Amüsüh Limro de ajibah; mümüsühkhinü ju kheak mütsah, tüshe ha Thrünpuh mihtsürü thsungkheak labah; hantsahrü, makharünü she mütsahmih.

MATHI 24:13

tüshe shepünü akheam khiungde arümbanü akhümkhitbah.

YUNIRÜBO RHIMO 10:35

tüshe trükshih alala ching shepünü api trecho tüsho alungki rhimobanü api kilim aleangkhikhukbe lah.

YUNIRÜBO RHIMO 24:16

Junangde inü Thrünpuh tüsho mihtsürü kilim lümkhi müsühde alapü kamruhroro mürangchoh.

IBRI 10:39

Tüshe isa a tuklode tsobah adükheakrü yung, tüshe akin lah tüsho khümkhita lah.

JUDNÜ ATHRÜTKHI KIHÜM HUHTANYU 1:21

nüsabo Thrünpuh amuzho ching lang; lün rhangdung lim isa Atungpuh Jisu Khrista mihmüthsüm thsungkheak aleangang.

JUDNÜ ATHRÜTKHI KIHÜM HUHTANYU 1:24

Kheakü nüsa mangakde akümpü tüsho areak mükihde api müretah miki asühachihde nüsa yüshihbuh kilim,

AMIKHEAKAKHIUKKHI 3:10

Tümütüsho nünü arümkheamde I yu zodo, alomi kheak larü rükakheahpü alomiküp athrünkhi kheak arüpü lakhi rükakipü kim chingnü inü nü küma zobah.