MÜCHITMUDU 15:9 - AMÜSÜH HÜM CL Bible (BSI)

⁹ Mihbukmuyuk limro ju Atungpuh kilim athraneanbe lah, tüshe shepünü thiyuro-lungki yanchonü apinü anihbuh muzhochoh.

MÜCHITMUDU 15:9 Iomraidhean Croise

MUNGSHIKHÜN 1:6

tümüde Atungpuhnü thiyuro-lungkirü limro mükheahlah, tüshe mihbukmuyuk limro adükheakbah.

MUNGSHIKHÜN 11:7

Tümüde Atungpuh ju thiyuro-lungki ah, apinü thiyuro-lungki rhimobo muzhochoh; sherünü jurü rhimobanü api ki labah.

MUNGSHIKHÜN 139:24

tüsho I kheak mihbukmuyuk limro lanahnü kheahang, tüsho akheam mülakhi limro ching I beang.

MUNGSHIKHÜN 5:5

Akükheangrü nü miki müzhip; amütsü-rhimorü alala nünü thraneanchoh.

MÜCHITMUDU 15:10

Müküpde adanyukkhi ju limro bahyukrü thsungkheak lah, tüsho shepünü athsülangkhi thraneanchonü ashebah.

MÜCHITMUDU 21:21

Shepünü thiyuro-lungki tüsho amüthsüm yimchonü rhangdung tüsho wüntrepü ngüchoh.

MÜCHITMUDU 21:4

Mük-müzhingkhi, kükheangküyang mulong tüsho mihbukmuyuk ju neak ah.

MÜCHITMUDU 21:8

Amülim mihtsürü limro khüranglah; tüshe amülim mülarü rhimo alungki lah.

MÜCHITMUDU 4:19

Mihbukmuyuk limro ju amiting nangde lah; tümünü arü jing mükheshihchonü arünü mümükheah.

MÜCHITMUDU 8:13

Atungpuh trekhi ju amütsü thraneanpü ah; lülüshishi le akükheang tüsho amütsü limro le mülapmüji mün inü thraneanlah.

ISAIA 26:7

Thiyuro-lungki limro arihlah; O Thiyuro labuh Khülang, nünü thiyuro-lungki limro arihde kamshih.

ISAIA 51:1

I ki aniang, nüsa thiyuro-lungki müshamrübo, nüsa Atungpuh yimrübo. Nü phukkhipung lung kheak tüsho nü kiupung alokhün kheahang.

ISAIA 51:7

Nüsa sherü thiyuro-lungki mükheahlanü, nüsa mihtsürü sherü mulong ching I thsangyukhi lanü I ki aniang; püpürünü mükhemürangkhi dütre, tüsho arünü nü mükthsüchoki mulong dünini.

JEREMIA 44:4

Judüalalashe, inü I yamlarübo wukihrübo alochode thiyia arüshihde tha, “ Inü athraneankhi ha athraneanbe dürhimo!”

HOSEA 6:3

Isanü Atungpuh mükheahpü müranganü. Tsükjide ani akhiukchoki api akhiukbah; api isa kilim tsüngkam tsüng nangde, mükheankim tsüngnü alo pangkhi nangde arübah.

HABAKKUK 1:13

Nü mükbo ju amütsü ngüpü khide tsangkhitlah, tüsho nünü amülim-rhimo kheak mükheahkhuk; tümüde nünü mülapmüji kheak kheahcho le, tüsho mihbukmuyuknü arü kheaknü thiyurolungkirü lakhi muyuchoki zhikde lacho le?

MATHI 7:13

“Chipimurung amütsümbe chingnü yüzahang; tümüde chipimurung aküngküng tüsho amülih ju adükheakbe lim bekhi lah tüsho ju chingnü ayüzahrü hihlah.

YUZÜNGTHALO 7:13

Tüsho apinü nüsa muzhobah, müngühjihbah, tüsho wüh bushihbah; apinü nüsa pang chingnü aso asoshihpü tüsho alo chingnü aso asopü müngühjihbah; nüsa hi, yukhu, müdangke, moshibo tüsho mihnu boto nüsa jihshihpü apinü nüsa bebuhrü ki thiyuchihchimkhi lo ching müngühjihde abushihbah.

1 TIMOTHI 6:11

Tüshe nü Thrünpuh mihtsürü, ha alala bahkhiang; thiyuro-lungki, akinrü thsüpü, akin, amuzho, arümkheam, azhihayih kheak kheahkihang.

2 TIMOTHI 2:22

Jumonü athunu shihkünkhi yakli chingnü tsokhiang tüsho atsangkhitkhi mulong chingnü Atungpuh ki jirü lungnü thiyuro-lungki, akin, amuzho tüsho mungtsü müshamang.