MÜCHITMUDU 15:8 - AMÜSÜH HÜM CL Bible (BSI)

⁸ Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

MÜCHITMUDU 15:8 Iomraidhean Croise

2 SAMUEL 15:12

Küyimki Absalomnü laksah-a kingaünkhibo jihkhea, apinü David lümthiyan-jihrü Gilonrü Ahithophel anihbuh kiuto Gilo chingnü arüpü yüshih. Aram-yusheak düküngde kam, tüsho Absalom lung mihtsürübo jade kam.

1 KIULONG THSÜRÜ 3:10

Solomonnü ha kheangkhinü Atungpuh asühshih.

1 KIUTHSÜYUKHEAN 29:17

I Thrünpuh, nünü mulong yimchoh tüsho thiyuro lungki ching reangkeamchoh de inü mükheahlah; I mulong alungki chingnü inü ha kukrukbo alala akeangnü jihdo, tüsho kheakü nü mihtsürübonü ha ching nü kilim akeangnü tüsho asühde ajihkhi inü ngüdo.

MUNGSHIKHÜN 141:2

Nü miki I tamkhüntamnü ju rhümthüneabe nangde, I khah shuhkihkhi ju arelim tamkhüntamnü nangde lashang.

MUNGSHIKHÜN 17:1

O Atungpuh , I thiyuro mushukhi sojang; inü azhikhi aniang. Inü tamkhüntamnükhi anijang– ha mülapmüji münküp chingnü akhiukkhi yung.

MÜCHITMUDU 10:24

Mihbukmuyuknü tümü trechonü api kheak arübah; thiyuro-lungkirünü tümü lunechonü amülüjihbah.

MÜCHITMUDU 15:29

Atungpuh ju mihbukmuyuk kheaknü limshude lah, tüshe thiyuro-lungkirü tamkhüntamnükhi apinü sochoh.

MÜCHITMUDU 15:7

Lümlung larü münküpbonü mükheahmudu bushihchoh, tüshe makharü mulongnü jude müthsü.

MÜCHITMUDU 21:27

Mihbukmuyuknü shuhmülanga jihkhi ju athraneanbe; mihbukmuyuk lümkhi thsüde apinü hande arükhi a küdükhüh she alaba!

MÜCHITMUDU 21:3

Laksah-a kingaünkhi kheaknü thiyuro-lungki tüsho thiyuro rhimopü ju Atungpuh kilim alü aleangkhikhukbe lah.

MÜCHITMUDU 28:9

Shepünü yakzan anipü chingnü anükhün anguhde tsochonü, api tamkhüntamnü athraneanbe labah.

T H S AN GYU T H S AN GR ARÜ 5:1

Küyimki nü Thrünpuh yam ching yübanü nü jingdükübo aheangang; makharünü arhimokhi nangde shuhmülanga jihkhi kheaknü a anipü phünide ayükhi atsübe ah; tümütüsho arünü amütsü tümü rhimochonü mümükheah.

KHÜNBOLUNGKHÜN 2:14

O I müthrithrümpü, lungto dükeak ching, ajikpung awung-düpheak ching, inü nü miro kheahanü, inü nü düsheak soanü; tümüde nü düsheak niunglah, tüsho nü miro tsülah.

ISAIA 61:8

Tümüde I Atungpuhnü thiyuro muzholah, inü ahühara tüsho amülim rhimo thraneanlah; inü thiyuronü arü kilim thsambah jihbah, tüsho inü arü ki akheam mülakhi tangzüng khülang thsübah.

ISAIA 66:3

Sherünü moshipung laksahchonü mihtsürü laksahrü ruk; sherünü namfimihnununü kingaünchonü, khihnu hung yihshakrü ruk; sherünü hi kingaün jihchonü, kheaknu thiyih jihrü ruk; sherünü mümihpü jinjinlak jihchonü, sangthsü ki tamkhüntamnükhi ruk ah. Harünü arü nihbuh limrobo mokhitdo, tüsho arü athraneanbebo ching arü menü asühchoh;

JEREMIA 6:20

Sheba chingnü jinjinlak arükhi yungsho limshu lomi ching niungyidung I ki tümü yihnüpü la? Nüsanü taka kingaünkhibo müleangkhi, yungsho nüsanü shuhmülanga jihkhibonü I asühbe yung.

DANIEL 9:23

Nü tamkhüntamnü tankihchoki, nü ki alojih, ju nü ki thapü I arüchoh tümüde nü khide muzhodakkhi lah. Jumonü thiyusheak lümakheahang tüsho michih anikhitang.

LEVI 7:18

Khürünü ha mungtsü kingaünkhi shih mahsam nipü tsühsho anihbuhnü kingaünkhi ju müleangkhi, ju mükheyuk; tüshe amümüsühkhi khejihbah, tüsho shepünü atsühbanü apinü neak hanbah.

MIKA 6:6

“Tümü lubah inü Atungpuh miki arüba, tüsho achang kheak Thrünpuh miki khukningba? Inü kam khülang bankhi moshi nunubonü taka kingaünpü api miki lubah arüba shi?

MIKA 6:7

Atungpuhnü namfimihnupung chithürübo, müdangke ayung chithürübo kheak asühba de? Inü alakmihkhi thsungkheak I tsührü jihba shi, I me neak thsungkheaknü I pang chingnü asokhi jihba shi?”

HAGGAI 2:14

Haggainü tha, junangde ha mihtsürü tüsho I miki lakhi trükshihbo kheak hade lah, Atungpuhnü thachoh; tüsho arü khah rhimo aban kheak lah; tüsho arünü ajihkhi ching amümüsüh lah.

MALAKI 1:10

O, nüsa khürünü arüngyam ripitbo rihkhülaa, junangde nüsanü akeangkeang ching I kingaün sadam kheak mo mütakkih! Inü nüsa kheak asühkhi müla, Wuto Atungpuhnü thachoh, tüsho inü nüsa khah chingnü kingaün müleangkhi.

JOHAN 4:24

Thrünpuh ju me ah, tüsho sherünü api kingaünchonü me tüsho thiyuro ching kingaünbeah.”