MÜCHITMUDU 15:5 - AMÜSÜH HÜM CL Bible (BSI)

⁵ Makharünü nihbuh abuhnü thsangdankhi mükhemükimchoh, tüshe shepünü athsülangkhi luchonü lümlung larü ah.

MÜCHITMUDU 15:5 Iomraidhean Croise

1 KIUTHSÜYUKHEAN 28:20

Davidnü kheaküshe api tsührü Solomon ki tha, “Reangzahang, tüsho tsüde mulong toang, tüsho rhimoang. Dütre yungsho mulong dünini: tümüde Atungpuh Thrünpuh, I Thrünpuh, nü lung lah. Atungpuh yam ching arüngako rhimo alala mübanyi khiungde apinü nü müdükhe yungsho nü mübahyuk.

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

MUNGSHIKHÜN 141:5

Thiyuro-lungkirünü I shikshang; ha amuzhokhi labah. Tüsho apinü I thürühshang; ha atsüdak müdangke labah; I kunü ju düthsungloshih. Tümüde I tamkhüntamnü ju mihbukmuyuk azhihde judü lang lah.

MÜCHITMUDU 1:23

Inü athürühkhi lim rholoang; tsükjide inü I me nü kheak dungkihbah; inü I yubo nü ki mükheahshihbah.

MÜCHITMUDU 1:7

Atungpuh trekhi ju mükheahmudu akhuhbe ah, tüshe makharünü lümlung tüsho thsangdankhi bahyukchoh.

MÜCHITMUDU 10:1

Solomon müchitmudubo: Lümlung lakhi tsührünü buhrü asühshihchoh, tüshe makhakhi tsührünü abe mulong tukthsüshihchoh.

MÜCHITMUDU 13:1

Lümlung lakhi tsührünü abuhnü thsangdankhi anichoh, tüshe kithsükilangrünü a athürühkhi manichoh.

MÜCHITMUDU 13:18

Shepünü adanyukkhi amümürang thsüchonü mükheakmürak tüsho achih ngükhi kamchoh, tüshe shepünü thsülangkhi anichonü wüntre jihchoh.

MÜCHITMUDU 15:4

Athsüngu hande arükhi mulo ju rhangdung sangdung ah, tüshe mülapmüji mulonü me thsümünimchoh.

MÜCHITMUDU 15:6

Thiyuro-lungkirü yam ching rahpung ato lah, tüshe mihbukmuyuk rahpung-limro ching küpkhuk lah.

MÜCHITMUDU 19:20

Lümthiyan aniang tüsho thsangdankhi leangkhiang, junangde nü arübe nimungbo ching nü lümlung labah.

MÜCHITMUDU 25:12

Lümlung lakhi mihtsürünü athürühkhi ju anide alakhi nükhün ching suna nüpü yungsho suna atsüdak zülu nangde lah.

MÜCHITMUDU 6:23

Tümüde thiyukhüm ju tsün, tüsho yakzan ju ayin ah; tüsho adanyukkhi thsülangkhi ju rhangdung limro ah,

TITA 1:13

Ha thiyumütsan thiyuro ah. Jumonü arü khakkhak thürühang, junangde arü akin ching thiyuro labah,

TITA 2:15

Harübo khipkhitang; thiyukhümsühmüh alalanü tuthsukang tüsho thürühang. Shenü she nü mükhemürang düthsüshih.