MÜCHITMUDU 15:18 - AMÜSÜH HÜM CL Bible (BSI)

¹⁸ Asungsung mihtsürünü rukachih akhiukshihchoh, tüshe arümkheam mihtsürünü rukachih keamloshihchoh.

MÜCHITMUDU 15:18 Iomraidhean Croise

2 SAMUEL 19:43

Tüshe Israel mihtsürübonü Juda mihtsürübo ki alo, “Kiulongthsüpuh kheak isa shihcham thürü lah, tüsho David kheak she nüsa kheaknü isa alübe lah. Dale tümüde nüsanü isa mükhemürangcho? Isa kiulongthsüpuh belodarüpü akhuh thakhi ju isa yung de?” Tüshe Juda mihtsürübo yu ju Israel mihtsürübo yu kheaknü amüzhakbe lakheah.

MÜCHITMUDU 10:12

Athraneankhinü küpkhuk thurumusuchoh, tüshe amuzhonü neakbo alala lüpdochoh.

MÜCHITMUDU 14:29

Shepü arünnü bukakhiukchonü anikhitkhi ato lah, tüshe asungsung mihtsürünü makhakhi huhchoh.

MÜCHITMUDU 15:1

Thünakde alokhinü bukakhiukkhi keamshihchoh, tüshe thiyu amüküpnü bukakhiukpü thurumusuchoh.

MÜCHITMUDU 15:19

Yomuhyothsünrü limro ju ayangbonü rhamdolah, tüshe alungkirü limtsahpung a limto ah.

MÜCHITMUDU 16:14

Kiulongthsüpuh bukakhiukkhi ju ashekhi yunithsürü ah, tüshe lümlung larü mihtsürünü ju keamloshihchoh.

MÜCHITMUDU 16:28

Mülapmüji mihtsürünü rukachih akhiukshihchoh, tüsho juphityuphitnü müyamrü khungbo thraza thsüjihchoh.

MÜCHITMUDU 22:24

Bukakhiuk mihtsürü lung müyamrü düthsü tüsho bukmüke mihtsürü lung düyü,

MÜCHITMUDU 25:15

Arümkheamkhi hode yakzanshuhrü rükyukpü kuklah, tüsho mulo athünaknü ro yihshakpü kuklah.

MÜCHITMUDU 26:21

Mokhihnü lamlamshihchoh tüsho sangnü mo aniushihchoh, junangde rukachih mihtsürünü kiumüzhim akhiukshihchoh.

MÜCHITMUDU 28:25

Shepünü lülüshishi mulong hanlanü rukachih thurumusuchoh, tüshe shepü Atungpuh kheak kinchonü lalim tsübah.

MÜCHITMUDU 29:22

Bukakhiukrünü rukachih akhiukshihchoh, tüsho bukmükerünü hihde athsümünim akhiukshihchoh.

T H S AN GYU T H S AN GR ARÜ 10:4

Yakzanshuhrünü nü azhihde bukakhiuksho nü rhimo chingnü düdükhe, tümüde zhikde arümkheamkhinü alakmihkhi ato keamloshihpü kuklah.

MATHI 5:9

Mungtsü thsürübo asühpü, tümüde arü ki Thrünpuh tsührübo de ajibah.