MÜCHITMUDU 15:11 - AMÜSÜH HÜM CL Bible (BSI)

¹¹ Ashepü tüsho athsümünim Atungpuh miki lah; jumonü mihtsürü tsührübo mulong a küdükhüh she alapü!

MÜCHITMUDU 15:11 Iomraidhean Croise

2 KIUTHSÜYUKHEAN 6:30

nünü nü lapung yinmi chingnü sojang, neak bahjang, tüsho nünü mükheahde alakhi mulong arü limro ayannü alala ki jihang, tümüde nünü lang mihtsürü mulong mükheahlah.

JOB HU H T ANYU 26:6

Ashekhi ju Thrünpuh miki bünkeang lah, tüsho athsümünim müyihdode lah.

MUNGSHIKHÜN 139:8

I thüning ching yüsho, nü ju ching lah; inü Ashe-lomi ching I yapkiu thsüsho, kheahang nü ju ching lah.

MUNGSHIKHÜN 44:21

Thrünpuhnü ju müyimkhitba de? Tümüde apinü mulong ching rama lakhi mükheahlah.

MUNGSHIKHÜN 7:9

O mihbukmuyuk amütsü rhimo akheam thsüshang, tüshe thiyuro lashang; tümüde thiyuro-lungki Thrünpuhnü mulong tüsho lümkhi rükakheahchoh.

MÜCHITMUDU 15:10

Müküpde adanyukkhi ju limro bahyukrü thsungkheak lah, tüsho shepünü athsülangkhi thraneanchonü ashebah.

MÜCHITMUDU 17:3

Suna tüsho shotoyinchi ju monü thsahakheahchoh, tüshe Atungpuhnü mulong rükakheahchoh.

MÜCHITMUDU 27:20

Ashekhi tüsho Athsümünim küyimkishe mümi; junangde mihtsürü mükbo küyimkishe reangmükeam.

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

JOHAN 21:17

Apinü anihbuh ki mahsam kipü tha, “Jona tsührü Simon, nünü I muzhola shi?” Apinü anihbuh ki, “Nünü I muzhola shi?” de mahsam ki keomonü Peternü mulong mütsüde alakheah. Tüsho apinü tha, “Atungpuh, nünü alala mükheahlah; inü nü muzholah de nünü mükheahlah.” Jisunü api ki tha, “I yo namfimihnubo mütrüang.

YUNIRÜBO RHIMO 1:24

Tüsho arünü tamkhüntamnü, “O Atungpuh, shepünü alala mulong mükheahla, hane bolung nünü shepü mokhitdünü huhang,

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.

AMIKHEAKAKHIUKKHI 9:11

Arü kurungkheak kiulongthsürü, alokhünbit yunirü lakheah; api mung ju Ibri yu chingnü Abaddon, tüsho Greek yu chingnü Apollyon de ji.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”