MÜCHITMUDU 15:10 - AMÜSÜH HÜM CL Bible (BSI)

¹⁰ Müküpde adanyukkhi ju limro bahyukrü thsungkheak lah, tüsho shepünü athsülangkhi thraneanchonü ashebah.

MÜCHITMUDU 15:10 Iomraidhean Croise

1 KIULONG THSÜRÜ 18:17

Küyimki Ahabnü Elija ngükhea, Ahabnü api ki tha, “Israel küpkhuk jihrü ju nü a de?”

1 KIULONG THSÜRÜ 21:20

Ahabnü Elija ki tha, “O I riri, nünü I ngüdü de?” Apinü alo, “Inü nü ngüdo. Tümütüsho nünü Atungpuh miki amütsü rhimode nü zangrü yindo,

1 KIULONG THSÜRÜ 22:8

Israel kiulongthsüpuhnü Jehoshaphat ki tha, “Isanü A TUN GPU H ki keokhipü thsüde püpürü khülang Imla tsührü Mikaia lah; tüshe inü api mükheahne, tümüde apinü küyimkishe I thsungkheaknü atsü tümü she mümüchitchoh, tüshe thsümütsü lang ah.” Jehoshaphatnü tha, “ Kiulongthsüpuhnü hadürü dütha shi.”

JOB HU H T ANYU 34:27

tümütüsho arünü api kheaknü rholo, tüsho api limrobo tümü she akin müla,

MUNGSHIKHÜN 50:17

Tümüde nünü adanyukkhi thraneanchoh, tüsho I yubo nü dunglim bahchoh.

MÜCHITMUDU 1:25

tümütüsho inü thsangdankhi alala nünü animuwuhabah tüsho inü athürühkhi müleangkhi,

MÜCHITMUDU 1:30

arünü inü thsangdankhi müleangkhi tüsho inü athürühkhi bahyuk,

MÜCHITMUDU 10:17

Shepünü thsangdankhi zochonü rhangdung limro ching lah, tüshe shepünü athürühkhi reanglochonü tsophülapchoh.

MÜCHITMUDU 12:1

Shepünü thsangdankhi muzhochonü mükheahmudu muzhochoh, tüshe shepünü athsülangkhi thraneanchonü makharü ah.

MÜCHITMUDU 13:1

Lümlung lakhi tsührünü abuhnü thsangdankhi anichoh, tüshe kithsükilangrünü a athürühkhi manichoh.

MÜCHITMUDU 15:11

Ashepü tüsho athsümünim Atungpuh miki lah; jumonü mihtsürü tsührübo mulong a küdükhüh she alapü!

MÜCHITMUDU 15:9

Mihbukmuyuk limro ju Atungpuh kilim athraneanbe lah, tüshe shepünü thiyuro-lungki yanchonü apinü anihbuh muzhochoh.

MÜCHITMUDU 23:35

Nünü athabah, “Arünü I shikdo tüshe I muyuri; arünü I lakdo tüshe inü ju mümütsan. Küyimki I asürüba? Inü ayungbe püpü yimbah.”

MÜCHITMUDU 5:12

tüsho thachoh, “ Küdükhüh inü thsangdankhi thraneande, tüsho athürühkhi I mulongnü abahyukkhea!

JEREMIA 2:17

Ha apinü nü limro ching bechoki Atungpuh nü Thrünpuh bahyukkhinü nü kheak handarükhi yung de?

EZEKIEL 33:9

Tüshe nünü mihbukmuyuk ki arü limrobo chingnü rholopü kurhangyu thasho, mihbukmuyuk ju arü mülimkhi ching shebah, tüshe nü a nü rhangdung khümkhitbah.

JOHAN 3:20

Tümüde amütsü rhimorü abannü ayin thraneanchoh tüsho ayin lim marü, jude yungsho api rhimobo lahkhitbah.

JOHAN 7:7

Alominü nüsa müthranean, tüshe ju rhimo amütsü lah de inü thiyumütsan thsümonü I thraneanchoh.