MÜCHITMUDU 15:1 - AMÜSÜH HÜM CL Bible (BSI)

¹ Thünakde alokhinü bukakhiukkhi keamshihchoh, tüshe thiyu amüküpnü bukakhiukpü thurumusuchoh.

MÜCHITMUDU 15:1 Iomraidhean Croise

2 SAMUEL 19:43

Tüshe Israel mihtsürübonü Juda mihtsürübo ki alo, “Kiulongthsüpuh kheak isa shihcham thürü lah, tüsho David kheak she nüsa kheaknü isa alübe lah. Dale tümüde nüsanü isa mükhemürangcho? Isa kiulongthsüpuh belodarüpü akhuh thakhi ju isa yung de?” Tüshe Juda mihtsürübo yu ju Israel mihtsürübo yu kheaknü amüzhakbe lakheah.

1 KIULONG THSÜRÜ 12:7

Arünü api ki alo, “Mürangkhüh khihni harü mihtsürü yamlarü thsüpü tüsho arü tankihpü thsüsho, arü kilim atsükhinü alojang, arübo kamruhroro nü yamlarü thsübah.”

2 KIUTHSÜYUKHEAN 10:7

Arünü api ki alo, “Nünü ha mihtsürü ki muzhosho tüsho arü ki thiyu atsü thasho, arübo lünnü nü yamlarü thsübah.”

JOB HU H T ANYU 41:3

Apinü nü ki ahihdoki mushuba de? Nü ki thiyu thünakde athaba de?

MÜCHITMUDU 10:12

Athraneankhinü küpkhuk thurumusuchoh, tüshe amuzhonü neakbo alala lüpdochoh.

MÜCHITMUDU 15:18

Asungsung mihtsürünü rukachih akhiukshihchoh, tüshe arümkheam mihtsürünü rukachih keamloshihchoh.

MÜCHITMUDU 25:15

Arümkheamkhi hode yakzanshuhrü rükyukpü kuklah, tüsho mulo athünaknü ro yihshakpü kuklah.

MÜCHITMUDU 28:25

Shepünü lülüshishi mulong hanlanü rukachih thurumusuchoh, tüshe shepü Atungpuh kheak kinchonü lalim tsübah.

MÜCHITMUDU 29:22

Bukakhiukrünü rukachih akhiukshihchoh, tüsho bukmükerünü hihde athsümünim akhiukshihchoh.

MÜCHITMUDU 29:8

Luhmünerünü kiuto alanajide kamshihchoh, tüshe lümlung lakhi mihtsürünü bukakhiukkhi tsoloshihchoh.

YUNIRÜBO RHIMO 19:41

Ha thabah apinü amukhungrü müzütshih.