MÜCHITMUDU 14:6 - AMÜSÜH HÜM CL Bible (BSI)

⁶ Kithsükilangrünü lümlung yimchoh tüsho ju müngü, tüshe shepünü anikhitchonü mükheahmudu ju athülih ah.

MÜCHITMUDU 14:6 Iomraidhean Croise

MUNGSHIKHÜN 119:18

I mükbo khimshuhjang, junangde nü yakzan ching amüyinsahbebo inü angübah.

MÜCHITMUDU 1:5

lümlung larü mihtsürünü anibah tüsho anikhitkhi alü thsübah, tüsho anikhitkhi mihtsürünü lümlung thiyankhi ngübah–

MÜCHITMUDU 14:5

Thiyuro lakhi thiyumütsannü akeangyu mütha, tüshe arükchih thiyumütsannü akeangyu thachoh.

MÜCHITMUDU 14:7

Makharü mihtsürü kinü tsoang, tümüde nünü api münküpbo kheaknü mükheahmudu müngü.

MÜCHITMUDU 15:12

Kithsükilangrünü api thsülangrü mümuzhochoh, yungsho lümlung larü kilim müyü.

MÜCHITMUDU 17:16

Makharü khah ching sho lakhi tümü yihnüpü la, tümüde apinü lümlung ngüpü künde müla?

MÜCHITMUDU 17:24

Lümlung ju anikhitkhi larü miki lah, tüshe makharü mükbo alomi akheambo kheak lah.

MÜCHITMUDU 18:2

Makharünü anikhitkhi ching asühkhi müla, tüshe nihbuh lümkhi huhkhi lang lah.

MÜCHITMUDU 24:7

Makharü thsungkheaknü lümlung ju khide changlah; chipiripit ching apinü amün mükhimshuh.

MÜCHITMUDU 26:12

Khürünü mülalaa nihbuh lümlung lah de alümkhi kheaknü shadakde makharü atsübe ah.

MÜCHITMUDU 8:8

I mün yubo alala thiyuro-lungki ching lah; jurü ching akhürang yungsho bephülapkhi tümü müla.

MÜCHITMUDU 8:9

Anikhitrü kilim jurü alala athülih, tüsho mükheahmudu ngürü kilim alungki lah.

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

JEREMIA 8:9

Lümlung larü achih ngüshihbah, arübo ayingyingbah tüsho aphuhbah; tümütüsho arünü Atungpuh yu bahyuk, arü kheak tümü lümlung la?

1 KORINT 8:2

Khürünü tümükhüh mükheahlah de lümsho, apinü amükheahpü lakhi she mümükheahyi.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.