MÜCHITMUDU 14:35 - AMÜSÜH HÜM CL Bible (BSI)

³⁵ Kiulongthsüpuh muzho ju lümlung lakhi yamlarü kilim lah, tüshe api bukakhiukkhi ju achih ngüshihrü azhihde lah.

MÜCHITMUDU 14:35 Iomraidhean Croise

THRÜNTAN 41:38

Tüsho Pharaonü ayamlarübo ki tha, “Thrünpuh me lakhi mihtsürü hadürü isanü angükhukba de?”

ESTER 7:7

Kiulongthsüpuhnü abukakhiukde wusubah abinpung khiungshak chingnü wungdo ayam shahwün ching wukhiuk. Hamannü kiulongthsüpuh ngüchoki api thsümüchipü labah de lümbah arhangdung thsungkheak Ester dunglim mükhümde mushu.

MÜCHITMUDU 10:5

Shepünü muzhu ching hanmukhungchonü lümlung lakhi tsührü ah, tüshe shepünü yimluchoki yapbanü mungchih ngüpü tsührü ah.

MÜCHITMUDU 14:34

Thiyuro-lungkinü trükshih shuhkihchoh, tüshe neak ju mihtsürü kilim mungchih lah.

MÜCHITMUDU 16:13

Thiyuro-lungkirü münküpbo ju kiulongthsürü asühpü lah, tüsho shepünü alungki asukchonü arünü api muzhochoh.

MÜCHITMUDU 17:2

Lümlung lakhi yamlarünü achih ngüshihkhi tsührü kurungkheak yakzan shuhbah, tüsho keoniorü bolung yamrüplurüp chamachihbah.

MÜCHITMUDU 19:26

Shepünü abuh kheahmüchihcho tüsho abe yankhita bahchonü achih tüsho mungchih handarükhi tsührü ah.

MÜCHITMUDU 20:26

Lümlung lakhi kiulongthsürünü mihbukmuyuk yünkhita bahchoh, tüsho arü kheak thsam phülütchoh.

MÜCHITMUDU 20:8

Küyimki kiulongthsürü khülang nihbuh kiulongthsü-binkiu kheak mahkhappü binbanü api mükbonü amütsü alala yünkhita bahchoh.

MÜCHITMUDU 22:11

Shepünü mulong amüsüh muzhocho, tüsho nihbuh yu ching amüthsüm lanü kiulongthsüpuh ju api müyamrü labah.

MÜCHITMUDU 25:5

kiulongthsürü mikinü mihbukmuyuk bede tsoang, tüsho api kiulongthsü-binkiu thiyuro-lungki ching labah.

MÜCHITMUDU 29:12

Yakzanshuhrünü akeangyubo anisho, api torü alala mihbukmuyuk kamchoh.

MATHI 25:21

Api putungrünü anihbuh ki tha, ‘Tsüde rhimodo, thiyuro yamlarü atsü; nünü kukruk anükhüh kurungkheak thiyuro lado, inü kukruk ahihkhüh kurungkheak nü yakzanshuhrü kamshihbah. Nü putungrü asühpung ching yüzahang.’

MATHI 25:23

Api putungrünü anihbuh ki tha, ‘Tsüde rhimodo, thiyuro yamlarü atsü; nünü kukruk anükhüh kurungkheak thiyuro lado, inü kukruk ahihkhüh kurungkheak nü yakzanshuhrü kamshihbah. Nü putungrü asühpung ching yüzahang.’