MÜCHITMUDU 14:30 - AMÜSÜH HÜM CL Bible (BSI)

³⁰ Mungtsü lakhi mulong ju pang ching rhangdung tüshe mükthsükhi ju robo ching ashuhkhi lah.

MÜCHITMUDU 14:30 Iomraidhean Croise

1 KIULONG THSÜRÜ 21:6

Apinü alibe ki tha, “Tümütüsho inü Jezreelrü Naboth ki asukachih tüsho api ki tha, ‘Nü yo kurungasolu sho mo I kilim jihang; yungsho, nünü mulongsho ju müthri inü kurungasolu püpü nü kilim jihanü’; tüshe apinü alo, ‘Inü I yo kurungasolu nü müjih.’”

JOB HU H T ANYU 5:2

Tsükjide mulong zhipzhipkhinü makharü laksahchoh, tüsho mükthsükhinü lümthülihrü laksahchoh.

MUNGSHIKHÜN 112:10

Mihbukmuyuknü ju ngübah tüsho mulong rozhakbah; api hü mütrütbah tüsho niuabahbah; mihbukmuyuknü akünkhi dükheakbah.

MUNGSHIKHÜN 119:80

Nü yakzan thsükhibo dünkheak I mulong mudomüra dülashih, junangde I achih müngüde alabah.

MÜCHITMUDU 12:4

Yamkhünberü atsü ju ayamkhünbuh kuthran ah, tüshe mungchih lakhi yamkhünberü a api robo ching ashuhkhi ruk ah.

MÜCHITMUDU 15:13

Asühkhi mulongnü miro yinshihchoh, tüshe mulong rozhakkhinü me thsümünimchoh.

MÜCHITMUDU 17:22

Asühkhi mulong ju moli atsü ah, tüshe athsümünimkhi menü robo kungshihchoh.

MÜCHITMUDU 3:8

Ha nü shih ching shihphü-atsü labah, tüsho nü robo ching sühmüh labah.

MÜCHITMUDU 4:23

Nü lümzülümdokhi kümkangang; tümütüsho ju kenü ah.

HABAKKUK 3:16

Inü sochoh, tüsho I mulong ching thukthukchoh; düsheaknü I münküpbo niukchoh. I robo ching ashuh yüzahchoh, tüsho I jingbo ajanchoh. Isa yanrü mihtsürü kheak thsümütsü nimung arüpü thsungkheak inü zhikde aleangchoh.

YUNIRÜBO RHIMO 7:9

“Jakob tsührübonü Josep mükthsüde kambah api Ijip ching yin; tüshe api lung Thrünpuh lakheah,

ROMRÜ KILIM PAULNÜ ATHRÜTKHI KIHÜM HUHTANYU 1:29

Arü ju mihbukmuyuk, amütsü, yihnelune, lungchihpünü mide kam. Mükthsü, mihlaksah, rukachih, mülapmüji, mükzahlungzah, jipjiprara,

2 TIMOTHI 1:7

tümüde Thrünpuhnü isa kilim trechihtrean me jihkhi yung tüshe wu, amuzho tüsho zangrü danyukkhi me ah.

JAKOB 4:5

Yungsho amüsühyunü, “Thrünpuhnü isa kheak lashihkhi menü mükthsüpü künchoh,” de athakhi akeangkeang ah de nüsanü lümcho shi?