MÜCHITMUDU 14:28 - AMÜSÜH HÜM CL Bible (BSI)

²⁸ Mihtsürü hihkhi ching kiulongthsüpuh wüntrekhi lah, tüshe mihtsürü mülakhi ching yakzanshuhrü keampü lah.

MÜCHITMUDU 14:28 Iomraidhean Croise

2 SAMUEL 19:7

Jumonü khülang ki wukhiukang tüsho nü yamlarübo ki muzhobah thiyu thaang; tümüde nü muwukhiuksho khihre nü lung mihtsürü khülang she müla de Atungpuh mung chingnü thiyuchihchimchoh; tüsho ju nü athunu kim chingnü kheakü khiungde küpkhukkhi bolung amütsübe labah.”

2 SAMUEL 24:3

Tüshe Joabnü kiulongthsüpuh ki alo, “I tungpuh kiulongthsüpuh müknü angükhukpü thsüde mihtsürü wühkhe ju Atungpuhnü chinü alü kamshang! Tüshe I tungpuh kiulongthsüpuhnü tümüde ha rhimoshihnela?”

1 KIULONG THSÜRÜ 20:27

Küyimki Israelrübo she jimukhungbah thsühnuk thsakhamkhea, arünü arübo shorupü wukhiuk; Israel mihtsürübo a mihnu boto anini mahne nangde arü mikhuh ching binkheam, Siriarü a lomi mi.

2 KIULONG THSÜRÜ 13:7

Jumonü Jehoahaz lung aningkhi bonungrü ju khoraberü 50, khoralolungbe 10 tüsho jingnü atsahrü mihtsürü 10,000 lang alakheah; tümüde Siria kiulongthsüpuhnü arübo thsümünim tüsho arübo hinitpung ching asungthulung nangde kamshih.

ABEKHIT 1:12

Tüshe arü küdükhüh thsümüchikhea judükhüh alü wüh bude kam, jumonü Ijiprübonü Israelrübo ju trede kam.

ABEKHIT 1:22

Jumonü kiulongthsüpuhnü api mihtsürübo alala ki thiyukhüm jihde tha, “Ibrirü tsührü aso zübekhi athrürü alala Nile ayung ching shuhyuka bahang, tüshe aliberübo a arhang lashang.”

MÜCHITMUDU 14:27

Atungpuh trekhi ju rhangdung kenü ah, junü ashe müthrim bahkhichoh.

MÜCHITMUDU 14:29

Shepü arünnü bukakhiukchonü anikhitkhi ato lah, tüshe asungsung mihtsürünü makhakhi huhchoh.

JEREMIA 13:20

Nü mük rheakbah sherü dukulimnü arüchonü kheahang. Nü kilim jihkhi akheahakham namfimihnu boto kükheak la?