MÜCHITMUDU 14:2 - AMÜSÜH HÜM CL Bible (BSI)

² Shepünü nihbuh alungki ching tsahchonü Atungpuh trechoh, tüshe shepü nihbuh limro mulungkinü api mükhemükimchoh.

MÜCHITMUDU 14:2 Iomraidhean Croise

2 SAMUEL 12:9

Api miki amütsü lakhi tümüde nünü Atungpuh yu amülim kamshihkhea? Nünü Hitbuh Uria nukshangnü laksahdo; nünü aniube ju nü niube thsüpü ludo, tüsho Amonrü nukshangnü api laksahdo.

1 KIULONG THSÜRÜ 3:6

Tüsho Solomonnü tha, “Nünü nü yamlarü I buh David ki amuzhodakkhi tode huhdo, tümütüsho apinü nü miki khiukdahde thiyuro ching mulong alungki chingnü nü kilim tsah; tüsho nünü api thsungkheak ha ato tüsho muzhodakkhi zojih, tüsho api kilim khihni api kiulongthsü-binkiu kheak binpü tsührü khülang jih.

2 KIULONG THSÜRÜ 17:34

Khihni khiungde arünü adüso jipü-yaklibo rhimochoh. Arünü Atungpuh mükingaün tüsho Atungpuhnü Israel de ajikhi Jakob tsührübo kilim thiyukhüm jihkhi yukhüm yungsho yuzüng yungsho yakzan yungsho thiyukhümbo müyan.

JOB HU H T ANYU 1:1

Mihtsürü khülang Uz lomi ching amung Job de alakheah. Api ju mungchih mülarü tüsho alungki, Thrünpuh wüntrerü tüsho amütsü chingnü tsokhide alakheah.

JOB HU H T ANYU 12:4

I müyamrübo ki I a münedung khülang ah; inü Thrünpuh ki jibah apinü alojihjih she– thiyuro tüsho areak mükihde lalashe, I a münedung khülang ah.

JOB HU H T ANYU 28:28

Tüsho apinü mihtsürü ki tha, “Tsükjide, Atungpuh wüntrekhi ju lümlung ah; tüsho amütsü-rhimo chingnü achamkhipü ju anikhitkhi ah.”

MUNGSHIKHÜN 112:1

Atungpuh shiang! Mihtsürü shepünü Atungpuh trecho, shepünü api yukhümbo ching tode asühchonü müngühmühi.

MUNGSHIKHÜN 25:21

Thiyuro-lungki tüsho alungkinü I kümdoshang, tümüde inü nü aleanglah.

MÜCHITMUDU 11:12

Shepü lümlung mülanü api yamhingrü mükhemükimchoh, tüshe anikhitkhi mihtsürünü malande lachoh.

MÜCHITMUDU 16:17

Alungkirü limto ju amütsü kheaknü achamkhipü lah; shepünü nihbuh limro aheangchonü api rhangdung aheangchoh.

MÜCHITMUDU 16:6

Mihmüthsüm tüsho thiyuro ching amülimkhi dünkheak dünthsükhido; tüsho Atungpuh trekhi hode khürünü amütsü chingnü chamkhichoh.

MÜCHITMUDU 19:1

Mülapmüji tüsho makharü kheaknü a azhihayihde atsahrü zhochihrü mihtsürü atsübe ah.

MÜCHITMUDU 2:15

sherü limrobo khürangla, tüsho arü limrobo ching rük-thsükhi la;

MÜCHITMUDU 28:6

Alarü thsübah nihbuh limrobo ching mülapmüjikhi kheaknü thiyuro ching tsahkhi zhochihrü atsübe.

T H S AN GYU T H S AN GR ARÜ 12:13

Isanü alala zamrukhi akheam soanü: Thrünpuh treang, tüsho api yukhümbo zoang; tümüde mihtsürünü arhimobe alala ju ha lah.

LUKNÜ ATHRÜTKHI THIYUSHEAK-ATSÜ HUHTANYU 10:16

“Shepünü nüsa ki anibanü I ki anichoh, shepünü nüsa bahyukbanü I bahyukchoh, tüsho shepünü I bahyukbanü I thiyibuh bahyukchoh.”

LUKNÜ ATHRÜTKHI THIYUSHEAK-ATSÜ HUHTANYU 16:14

Kheakü sho muzhorü Pharisirübonü she harü alala so, tüsho arünü api kheah-a münejih.

YUNIRÜBO RHIMO 10:22

Tüsho arünü tha, “Kornelia, wühkenobuh, alungki tüsho Thrünpuh trekhi mihtsürü, Jihudarü trükshih alalanü tsülah dükhi, amüsüh yunirünü khuhlanga huhbah nü api yam ching arüshihpü tüsho nünü athakhi anipü nü kilim thiyi.”

YUNIRÜBO RHIMO 10:35

tüshe trükshih alala ching shepünü api trecho tüsho alungki rhimobanü api kilim aleangkhikhukbe lah.

YUNIRÜBO RHIMO 9:31

Junangde Judea, Galilee tüsho Samaria ching borü alala mungtsü lade tankih-a lakheah; tüsho Atungpuh trekhi ching tsahde tüsho Amüsüh Menü mulong shukheamkhi ching wüh bude kam.