MÜCHITMUDU 14:16 - AMÜSÜH HÜM CL Bible (BSI)

¹⁶ Lümlung larü mihtsürünü trechoh tüsho amütsü chingnü chamkhichoh, tüshe makharünü mükümkang tüsho khide niokheamde rhimochoh.

MÜCHITMUDU 14:16 Iomraidhean Croise

THRÜNTAN 33:9

Tüshe Esaunü tha, “I suhdahde lah, I niurü, nü tümü lanü nü thsungkheak zoang.”

THRÜNTAN 42:18

Judüki Josepnü mahsam nipü arü ki tha, “Ha rhimoang tüsho nüsa rhangdung labah, tümüde inü Thrünpuh trelah:

1 KIULONG THSÜRÜ 19:2

Judüki Jezebelnü Elija kilim thiyusheak yüshihde tha, “Mürangkhüh shido ha kim ching arü rhangdung nangde inü mürhimoa lasho, thrünpuhbonü I kheak alü she rhimoshang.”

1 KIULONG THSÜRÜ 20:18

Apinü tha, “Mürangkhüh arü mungtsü yungsho thirithsüpü thsüa la, arübo arhangnü ramang.”

NEHEMIA 5:15

I müngüh kovünorübonü a mihtsürübo ki jim tüsho yukhu thsungkheak nimung aban shotoyinchi 40 lude hahmülang jih. Arü yamlarübonü she mihtsürübo juno. Tüshe inü a büthsüde rhimodo, tümüde inü Thrünpuh ki wüntre jihchoh.

JOB HU H T ANYU 1:1

Mihtsürü khülang Uz lomi ching amung Job de alakheah. Api ju mungchih mülarü tüsho alungki, Thrünpuh wüntrerü tüsho amütsü chingnü tsokhide alakheah.

JOB HU H T ANYU 28:28

Tüsho apinü mihtsürü ki tha, “Tsükjide, Atungpuh wüntrekhi ju lümlung ah; tüsho amütsü-rhimo chingnü achamkhipü ju anikhitkhi ah.”

MUNGSHIKHÜN 119:120

Nü trekhinü I shih ajanchoh, tüsho inü nü mahkhapkhibo trelah.

MUNGSHIKHÜN 34:14

Amütsü chingnü chamkhiang tüsho atsü rhimoang; mungtsü yimang, tüsho ju müshamang.

MÜCHITMUDU 1:32

Arükari mümükheahrü mihtsürü ju arünü lümlung bahyukkhi hode shechoh, tüsho makharü reangkeamkhinü arü dükheakbah;

MÜCHITMUDU 14:15

Yancho mihtsürünü lüpdükhi akin lachoh, tüshe lümlung larünü nihbuh jingdükübo tsüde lümchoh.

MÜCHITMUDU 14:17

Shepü sungsunglanü makhade rhimochoh, tüsho mihbukmuyuk mihtsürü lümkhi thraneanchoh.

MÜCHITMUDU 16:17

Alungkirü limto ju amütsü kheaknü achamkhipü lah; shepünü nihbuh limro aheangchonü api rhangdung aheangchoh.

MÜCHITMUDU 16:6

Mihmüthsüm tüsho thiyuro ching amülimkhi dünkheak dünthsükhido; tüsho Atungpuh trekhi hode khürünü amütsü chingnü chamkhichoh.

MÜCHITMUDU 22:3

Rük larünü atrebe ngübah jikchoh; tüshe lümlangrünü judü lang yüchoh tüsho thsünüa luchoh.

MÜCHITMUDU 28:14

Shepünü kamruhroro Atungpuh trechonü müngühmühi mihtsürü, tüshe shepü nihbuh mulong müküpchonü thsümütsü ching keamyukbah.

MÜCHITMUDU 29:9

Lümlung lakhi mihtsürünü makha mihtsürü kheak atsangachihsho makharünü bukakhiukkhiuk she yungsho münene she, ju ching keamramde müla.

MÜCHITMUDU 3:7

Nü küdah thsüde nü alü lümlung larü ah de dülüm; Atungpuh treang tüsho amütsü chingnü rholoang.

MÜCHITMUDU 7:22

Nahdü lang apinü moshipung alaksahpü yükhi nangde yungsho shihmüchi azheang ching düküyukkhi nangde alibe dunglim yü,

T H S AN GYU T H S AN GR ARÜ 10:13

Api mün ching mudukmüke yunü tankihchoh, tüsho api yu thakhi makhadakkhi ching kheamchoh;

WÜHKHE 22:27

Tüsho küyimki donkinü Atungpuh yunirü ngükhea, api Balaam khüp mühüpa yap; jumonü Balaam buk alü akhiuk, tüsho donki kheak api tsonü rhap.

JOHAN 9:40

Judüki api lung larü Pharisirü khürünü harü yubo sobah api ki tha, “Isa she mük tuka la de?”

1 TESALONIKA 5:22

amütsü mungjibo chingnü bahkhiang.