MÜCHITMUDU 14:15 - AMÜSÜH HÜM CL Bible (BSI)

¹⁵ Yancho mihtsürünü lüpdükhi akin lachoh, tüshe lümlung larünü nihbuh jingdükübo tsüde lümchoh.

MÜCHITMUDU 14:15 Iomraidhean Croise

2 SAMUEL 1:5

Judüki Davidnü api ki thiyusheak jihrü athrününgtsüngbuh ki keokhi, “Saul tüsho api tsührü Jonathan shekhi nünü küde thsah mükheahla?”

1 KIULONG THSÜRÜ 2:18

Bathshebanü tha, “Khide tsülah; nü thsung thsüde inü kiulongthsüpuh ki thabah.”

NEHEMIA 6:4

Ju yusheak lang arünü I kilim phüyi ki arüshih, tüshe ju aban ju ruk lang alojih.

MÜCHITMUDU 14:14

Mihtsürü amütsü ju arü thülünkhi ngübah, tüsho mihtsürü atsü a arü rhimobo dün thsambah ngübah.

MÜCHITMUDU 14:16

Lümlung larü mihtsürünü trechoh tüsho amütsü chingnü chamkhichoh, tüshe makharünü mükümkang tüsho khide niokheamde rhimochoh.

MÜCHITMUDU 14:8

Lümlung larü rükri ju nihbuh limro anikhitpü lah, tüshe makharü mudukmükekhi ju bemüchihkhi lah.

MÜCHITMUDU 17:4

Amütsü mihtsürünü amütsü lümkhibo anichoh, tüsho akeangyu tharünü akeangyu anichoh.

MÜCHITMUDU 22:3

Rük larünü atrebe ngübah jikchoh; tüshe lümlangrünü judü lang yüchoh tüsho thsünüa luchoh.

MÜCHITMUDU 27:12

Rük lakhi mihtsürünü amütsü ngüjungbah jikchoh; lümlangrünü yüchoh tüsho thsünüchoh.

MÜCHITMUDU 4:26

Nü jing tsahpung lümakheahang, tüsho nü limrobo alala mütsanang.

AMOS 5:13

Jumonü rük larünü a hadürü kim ching malanchoh; tümüde ha amütsü kim khülang ah.

YUNIRÜBO RHIMO 13:7

Api ju kovünor Sergia Paula rüklakhi mihtsürü lung lakheah. Ju buhnü Barnaba le Saul ji tüsho Thrünpuh yu anipü yim.

EFISIA 4:14

junangde kheaküa isa thsunga yüla arüla de tüsho kingaün-yakzan apungnü yünde, arü rük amütsü ching azürü nangde müla.

EFISIA 5:17

Jumonü dümakha, tüshe Atungpuh lümkhi tümüanü anikhitang.

1 JOHAN 4:1

Amuzho müyamrübo, me alala kheak dükin, tüshe mebo ju Thrünpuh kilimnü a shi yungnü rükakheahang; tümüde arükchih wukihrübo ahihdo alomi ching akhiukdo.