MÜCHITMUDU 14:14 - AMÜSÜH HÜM CL Bible (BSI)

¹⁴ Mihtsürü amütsü ju arü thülünkhi ngübah, tüsho mihtsürü atsü a arü rhimobo dün thsambah ngübah.

MÜCHITMUDU 14:14 Iomraidhean Croise

MUNGSHIKHÜN 109:17

Apinü muthrumünean muzhokhi nangde, api kheak ju arüshang; apinü müngühmühi ching masühkhi nangde, api kheak ju limshushang.

MÜCHITMUDU 12:14

Mihtsürü khülang ju nihbuh mün sangaso atsünü reangkeambah, tüsho api khah rhimonü anihbuh thsambah ngübah.

MÜCHITMUDU 12:21

Thiyuro-lungkirü tümünü she mütrünthsü, tüshe mihbukmuyuk a amütsünü amibah.

MÜCHITMUDU 14:10

Mulong abannü nihbuh akhüh mükheahlah, tüsho shenü she asühkhi müchamachihkhuk.

MÜCHITMUDU 14:15

Yancho mihtsürünü lüpdükhi akin lachoh, tüshe lümlung larünü nihbuh jingdükübo tsüde lümchoh.

MÜCHITMUDU 18:20

Nihbuh münnü aso asokhinü mihtsürü bukthsüchoh; anihbuh mün chingnü akhiukkhinü api reangkeamchoh.

MÜCHITMUDU 9:12

Nü lümlung larü a sho, nü lümlungnü nü kilim thsambah jihbah; nü luhmünerü a sho, nü lang thsünübah.”

JEREMIA 17:5

Atungpuhnü ha thachoh: Shepünü mihtsürü kheak kinchonü muthrumünean, shepünü nihbuh sühmüh thsungkheak shih kheak angükihcho tüsho shepü mulong Atungpuh kheaknü chamkhicho.

JEREMIA 2:19

Nü mihbukmuyuk hode nü thsümüchibah, tüsho nü sühmüzahkhinü nü abahkhi kambah. Nünü Atungpuh nü Thrünpuh bahyukpü ju amütsü tüsho akhüh de mükheahang tüsho kheahang; I trekhi nü kheak müla, Atungpuh Wuto Thrünpuhnü thachoh.

JEREMIA 8:5

Dale küde ha mihtsürünü murholo tsantsande tsoa la? Arünü akeangyu kheak düküngde ramrihdo, arünü arholopü reanglodo.

EZEKIEL 22:31

Jumonü inü arü kheak I mulong zhipzhip dungkihkheah; arü rhimo dünkheak I bukakhiukkhi monü inü arü thsümünimbah; Atungpuh Thrünpuhnü thachoh.

HOSEA 4:16

Israelrü ju khoranunu nangde yihkhro ah; küde thsah Atungpuhnü rimlopung amülih ching arü yimkippü?

ZEPHANIA 1:6

sherü Atungpuh yankhi chingnü rholode, shepünü Atungpuh müyim yungsho api ki mükeokhide la.

JOHAN 4:14

tüshe shepünü inü api kilim jihpü lakhi ke yungbanü küyimkishe kemüthüri. Tüshe inü api kilim jihpü lakhi ke ju akheam müla rhangdung kenü bukpung khülang kambah.”

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

GALATIA 6:4

Tüshe mihbüm abannü nihbuh rhimo akea kheahang, tüsho apinü kükheangkhi amütsan yamhingrü kheak yungde anihbuh kheak lang alabah.

GALATIA 6:8

Tümüde shepünü nihbuh shih ching hiuchonü shih chingnü athsümünim yimlubah; tüshe shepünü Me ching hiuchonü Me chingnü lün rhangdung yimlubah.

IBRI 3:12

Keoniorübo, kümkangang, jude yungsho nüsa bolung mükinkhi mulong khürünü nüsa arhang Thrünpuh kheaknü bekhide atsobah.