MÜCHITMUDU 13:7 - AMÜSÜH HÜM CL Bible (BSI)

⁷ Khürünü nihbuh zangrü alarü khea luchoh, tütüshe tümü müla; tüsho khürünü nihbuh zangrü zhochihrü khea luchoh, tütüshe lakhit ato lah.

MÜCHITMUDU 13:7 Iomraidhean Croise

MÜCHITMUDU 11:24

Mihtsürü khürünü arü sho phinphurukde bahchoh tüshe alarü lang kamchoh. Püpürünü mükihmürachoh, tüshe zhochihde kamchoh.

MÜCHITMUDU 12:9

Atorü mihtsürü nangde huhbah khümde alapü kheaknüa rhangdung lapü thsüde arhimokhi aninirü mihtsürü thsükhi atsübe ah.

MÜCHITMUDU 13:11

Thiyuro mülade lakhit ngükhi ju akheambah, tüshe shepünü rhimo hode hanmukhungchonü arünkihbah.

MÜCHITMUDU 13:8

Alarü mihtsürü a api rhangdung rhokhitpü anihbuh sho lubah, tüshe zhochihrü a shenü mümüzün.

LUKNÜ ATHRÜTKHI THIYUSHEAK-ATSÜ HUHTANYU 12:20

Tüshe Thrünpuhnü api ki tha, ‘Nü makharü! Khihre tsütsü nü me tsoabahbah; dale tüsho nü thsungkheak tsanglunga zokhi shenü aluba?’

LUKNÜ ATHRÜTKHI THIYUSHEAK-ATSÜ HUHTANYU 12:21

Jumonü shepünü nihbuh thsungkheak lakhit zomukhungchonü, Thrünpuh kilim alarü yung.”

LUKNÜ ATHRÜTKHI THIYUSHEAK-ATSÜ HUHTANYU 12:33

Nüsa lakhitbo yinang tüsho zhochihrü kilim jihang. Mümürhütbe shoyukpung, ahührü müthüninpung yungsho tsünsuknü müthsümünimpung, amükheambe yinmi ching rahpung tsanglunga zoang.

1 KORINT 4:8

Nüsa künkhi alala laabahdo! Nüsa alarü kamabahdo! Isa mübede nüsa kiulongthsürübo kamdo! Tüsho nüsa kiulongthsürü thsükhülaa, isanü nüsa lung yakzan shuhrungbah!

2 KORINT 4:7

Tüshe ato wu ju isa yungde Thrünpuh yo ah de ahuhpü ha rahpung alo phüh ching lah.

2 KORINT 6:10

mulong rozhakde la, tüshe kamruhroro asühachihde la; zhochihrü la, tüshe ahihdo alarü kamshih; tümü mülade la, tüshe lüpdükhi la.

JAKOB 2:5

Aniang, inü muzhokhi keoniorübo. Akin ching alarü thsüpü tüsho apinü amuzhorü ki alokhikhi kiulongthsü yamrüplurüp lupü Thrünpuhnü zhochihrü mokhitkhi yung de?

2 PETER 2:19

Arünü arü ki zuzu thiyuchihchimchoh tüshe arü a athsümünim yo azhorü ah; tümüde tümüpürünü mihtsürü ju kukchonü, api ju yo azhorü ah.

AMIKHEAKAKHIUKKHI 2:9

Inü nü thsünübo tüsho nü zhochihkhi mükheahlah– tütüshe nü alarü ah: Jihudarü ah de thade mülapmüjirü inü mükheahlah, tüsho arü a yung, tüshe Arimri sinagog ah.

AMIKHEAKAKHIUKKHI 3:17

Tümüde nünü thachoh, I alarü ah, I lalim tsülah, tüsho I tümü yihnüpü müla; tüshe nünü nü a küpkhuk, amuzhobe, zhochihrü, müktukrü, tüsho bünkeang ah de mümükheah.