MÜCHITMUDU 13:6 - AMÜSÜH HÜM CL Bible (BSI)

⁶ Thiyuro-lungkinü amülim mülarü tsungdochoh, tüshe mihbukmuyuk ju aneakrübo keamshihpü lah.

MÜCHITMUDU 13:6 Iomraidhean Croise

1 KIULONG THSÜRÜ 1:52

Jumonü Solomonnü alo, “Apinü athülünkhi mihtsürü khülang ah de mütsansho, akuyü khülang she alo kheak mayokhi; tüshe api kheak mihbukmuyuk ngükhitsho, api ashebah.”

1 KIULONG THSÜRÜ 13:34

Hadürü ha Jeroboam yamkhün kilim neak kamabah, junangde tsükkhita bahpü tüsho alomi chingnü adükheakshihpü kam.

2 KIUTHSÜYUKHEAN 28:23

Tümüde apinü Damaska thrünpuhbo kilim kingaün jih, küpünü anihbuh kukkhea, tüsho tha, “Tümütüsho Asiria kiulongthsürübo thrünpuhbonü arü rung, inü arü ki kingaünbah, junangde arünü I rungbah.” Tüshe arü ju anihbuh tüsho Israel alala thsümünimrü lakheah.

MUNGSHIKHÜN 119:1

Shepü limro areak mükihde la, shepü Atungpuh yakzan ching tsahchonü müngühmühi!

MUNGSHIKHÜN 140:11

Thsüpkhilukhirü alomi ching dülashih; amütsürünü athsümünim mihtsürü lahyuka bahpü jimshang.

MUNGSHIKHÜN 15:2

Shepü lungkide tsahcho, tüsho thiyuro-lungki rhimocho, tüsho api mulong chingnü thiyuro asukcho;

MUNGSHIKHÜN 25:21

Thiyuro-lungki tüsho alungkinü I kümdoshang, tümüde inü nü aleanglah.

MUNGSHIKHÜN 26:1

I mütsanmükhiang, O Atungpuh , tümüde inü thiyuro-lalim ching tsahdo, inü manguhphülapde Atungpuh kheak kindo.

MÜCHITMUDU 10:29

Atungpuh limro ju alungkirü thsungkheak sühmüh, tüshe amülim rhimorü kilim athsümünim arübah.

MÜCHITMUDU 11:20

Sherü mulong amütsü lanü Atungpuh kilim athraneanbe lah, tüshe mungchih mülarü limrobo ching api asühpü lah.

MÜCHITMUDU 11:3

Alungkirü a thiyuronü arü bechoh, tüshe thiyuro mülarü arü rük mütsükhinü thsümünimchoh.

MÜCHITMUDU 21:12

Thiyuro-lungki Thrünpuhnü mihbukmuyuk yam ching tümü dünjichonü mükheahlah, tüsho mihbukmuyuk thsümünima keamshihchoh.

MÜCHITMUDU 5:22

Mihbukmuyuk mihtsürü ju nihbuh amülimbo ching phuhchoh, tüsho anihbuh neak liubo ching api phuh-a lah.