MÜCHITMUDU 13:3 - AMÜSÜH HÜM CL Bible (BSI)

³ Shepünü nihbuh mün kümkangchonü api rhangdung lachoh, tüshe shepünü mün tochonü athsümünimkhi labah.

MÜCHITMUDU 13:3 Iomraidhean Croise

MUNGSHIKHÜN 141:3

O Atungpuh , I mün ki aheangrü zojang; I münküpbo ripit ki akheahrü zojang.

MUNGSHIKHÜN 34:13

Amütsü asukpü tüsho akeangyu thapü chingnü nü mulo tüsho nü mün tukloang.

MUNGSHIKHÜN 39:1

Inü tha, “Inü arhimopü lakhi akümkangbah tüsho I mulonü neak müyihbeakshih; mihbukmuyukrü I miki lachoki inü tümü she mütha.”

MÜCHITMUDU 10:14

Lümlung larü mihtsürünü mükheahmudu zomukhungchoh, tüshe makharü mün ju athsümünim thüninde lah.

MÜCHITMUDU 10:19

Nünü küdükhüh thabanü, judükhüh neak yihbeakchoh. Nü lümlung lasho, nünü zhikde alabah.

MÜCHITMUDU 10:8

Mulong rhangrünü thiyukhümbo leangkhichoh, tüshe makhayu thakhi athsümünim arüchoh.

MÜCHITMUDU 12:13

Mihbukmuyuk a nihbuh yunü alakmihkhibonü phuhchoh, tüshe thiyuro-lungkirü a küpkhuk chingnü atsokhitbah.

MÜCHITMUDU 13:4

Yomuhyothsün mihtsürünü tümükhüh künkün she apinü küyimkishe ju müngü. Mürangde arhimorü a apinü akünkhi lüpdükhi ngübah.

MÜCHITMUDU 14:3

Makharü mün ching ju lülüshishi tso lah, tüshe lümlung lakhi münküpbonü arü küma lashihchoh.

MÜCHITMUDU 18:21

Ashekhi tüsho rhangdung mulo wu ching lah, tüsho sherünü ju muzhochonü ju sangaso tsühbah.

MÜCHITMUDU 18:7

Makharü mün ju nihbuh thsümünimbe lah, tüsho api yunü nihbuh me phuhchoh.

MÜCHITMUDU 20:19

Münjipjiprünü aramyu thakhitchoh; jumonü tsaktsakrururü lung datruachih.

MÜCHITMUDU 21:23

Shepünü nihbuh mün tüsho mulo kümkangchonü küpkhukbo chingnü api me tsokhitchoh.

JAKOB 1:26

Khürünü api ju akin ching mulong jihlah de lümbah anihbuh mulo müdanyuksho, api küdah thsüde mülapyukchoh tüsho api kingaün ju akeangkeang.

MAHKHAPRÜ 16:11

Jumonü apinü alibe ki tha, “ Arünü I püpüki mürhükkhi liu asobonü tsüde rhüksho I yiuhyiuhde akambah, tüsho püpürü mihtsürü nangde akambah.”

MAHKHAPRÜ 16:17

jumonü apinü alibe ki amulongyu alala tha, “ Küyimkishe I ku kheak kuyüliuh müyihkih, tümüde I be buk chingnü I Thrünpuh kilim Nazirit khülang lakheah. I kuyü hütsho, I yiuhyiuh akambah, tüsho püpürü mihtsürü nangde akambah.”