MÜCHITMUDU 13:21 - AMÜSÜH HÜM CL Bible (BSI)

²¹ Kuhi amütsünü aneakrübo müshamchoh, tüshe thiyuro-lungkirü ki a atsünü ashaklobah.

MÜCHITMUDU 13:21 Iomraidhean Croise

THRÜNTAN 4:7

Nünü lungkide rhimokhülaa, nü müleangkhibea de? Tüshe tümü alungkianü nünü ju mürhimosho, khimdopü ki neak yaplah; hanü nü mürheangchoh, tüshe nünü ju kukbeah.”

MUNGSHIKHÜN 140:11

Thsüpkhilukhirü alomi ching dülashih; amütsürünü athsümünim mihtsürü lahyuka bahpü jimshang.

MUNGSHIKHÜN 32:10

Mihbukmuyuk kilim mulong rozhak ahihdo labah; tüshe shepü Atungpuh kheak kinchonü mihmüthsümnü api mükamdobah.

MUNGSHIKHÜN 54:5

Apinü I riribo kilim amütsü jihlobah; nü thiyuro lakhi ching arü akheam thsüshang.

MÜCHITMUDU 11:31

Alomi ching thiyuro-lungkirü thsambah ngüchoh, junangde mihbukmuyuk tüsho aneakrü thsümüchibah de mütsanang!

MÜCHITMUDU 13:13

Shepünü thiyu mükhemükimbanü athsümünimbah, tüshe shepünü thiyukhüm trechonü thsambah ngübah.

MÜCHITMUDU 17:13

Shepünü atsü dün amütsü jihlochonü, api yam chingnü amütsü müchamachih.

MÜCHITMUDU 24:16

tümüde thiyurolungki mihtsürü thüne ki lungpü kuklah, tüsho asürülobah, tüshe mihbukmuyuk a thsümütsünü akeambah.

ISAIA 47:11

Tüshe amütsü rhimo nünü wurüknü müthsükhikhukkhi nü kheak arübah; nünü müyanlokhukde thsümütsü nü kheak keambah; tüsho nünü tümü she mümükheahkhi zukleangnü nü kheak athsümünim arübah.

EZEKIEL 7:5

Wuto Atungpuhnü ha thachoh: Thsümütsü! Amusokhi thsümütsü arüchoh.

WÜHKHE 32:23

Tüshe nüsanü jude müthsüsho, mütsanang, nüsanü Atungpuh azhihde neak yihbeakdo; tüsho nüsa neaknü nüsa yimkhitbah de mütsanang.

YUNIRÜBO RHIMO 28:4

Jumonü küyimki kekunglorünü phuruto akhah kheak zhinkhia ngükhea, arü khülangnü khülang ki thaachih, “Ha mihtsürü mihlaksahrü ah, api keto chingnü tsokhita lalashe thiyuronü api alapü mümülü.”