MÜCHITMUDU 13:2 - AMÜSÜH HÜM CL Bible (BSI)

² Mihtsürü atsü a arünü athakhi thsungkheak thsambah ngübah, tüshe mülapmüjirü a athsümünim thsungkheak künde lah.

MÜCHITMUDU 13:2 Iomraidhean Croise

MUNGSHIKHÜN 140:11

Thsüpkhilukhirü alomi ching dülashih; amütsürünü athsümünim mihtsürü lahyuka bahpü jimshang.

MUNGSHIKHÜN 75:8

Tümüde Atungpuh khah ching pung khülang lah, tüsho yukhu ju amürüm; ju tsüde rhuzhihzhih, tüsho apinü dungkhitchoh; tüsho alomi mihbukmuyuk alalanü mütrünkhide ayungbah.

MÜCHITMUDU 1:18

tüshe arünü arü nihbuh thiyih thsungkheak aleangchoh, arünü arü nihbuh rhangdungbo thsungkheak jimde binchoh.

MÜCHITMUDU 1:31

jumonü nünü tümü thülünlanü ju nü ngübah, tüsho nü rhimobonü nü tukhsüshihbah.

MÜCHITMUDU 10:11

Thiyuro-lungkirü mün ju rhangdung kekhip ah, tüshe athsümünimnü mihbukmuyuk mün hümdolah.

MÜCHITMUDU 11:23

Thiyuro-lungkirünü alunekhi ju atsü lang ah, tüshe mihbukmuyuk mükkin thsükhi ju mulong zhipzhip ah.

MÜCHITMUDU 12:14

Mihtsürü khülang ju nihbuh mün sangaso atsünü reangkeambah, tüsho api khah rhimonü anihbuh thsambah ngübah.

MÜCHITMUDU 18:20

Nihbuh münnü aso asokhinü mihtsürü bukthsüchoh; anihbuh mün chingnü akhiukkhinü api reangkeamchoh.

MÜCHITMUDU 18:21

Ashekhi tüsho rhangdung mulo wu ching lah, tüsho sherünü ju muzhochonü ju sangaso tsühbah.

MÜCHITMUDU 4:17

Tümüde arünü mihbukmuyuk yikhap tsühchoh, tüsho athsümünimbe yukhu yungchoh.

HOSEA 10:13

Nünü mihbukmuyuk khimdo, nünü amütsü yimludo, nünü akeangyu sangaso tsühdo. Tümütüsho nünü nü wu tüsho thirithsü hihkhi ching kindo,

HABAKKUK 2:17

Tümüde Lebanon kheak athsümünim rhimokhinü nü zhidobah; tümütüsho mihtsürü thiyih bukkhi tüsho alomi le kiutobo tüsho jurü ching larü alala ki athsümünim rhimokhi hode shiwühbo thsümünimkhinü nü trede akamshihbah.

HABAKKUK 2:8

Tümütüsho nünü trükshih ahihdo yankhia ludo, tümütüsho mihtsürü thiyih bukkhi tüsho alomi kiutobo tüsho jurü ching larü alala ki athsümünim rhimokhinü aninga larü mihtsürü alalanü nü yankhia lubah.

AMIKHEAKAKHIUKKHI 16:6

tümüde mihtsürübonü amüsührü tüsho wukihrübo thiyih bukshihdo, tüsho nünü arü ki thiyih yungshih. Ha arünü athülünkhi ah!