MÜCHITMUDU 13:17 - AMÜSÜH HÜM CL Bible (BSI)

¹⁷ Mihbukmuyuk yunithsürü küpkhuk ching keamyukchoh, tüshe thiyuro lakhi limburünü mungtsü hande arüchoh.

MÜCHITMUDU 13:17 Iomraidhean Croise

MÜCHITMUDU 10:26

Hü ching asanke tüsho mükbo ching mokhüh nangde, anihbuh thiyibuh ki yomuhyothsünrü ju ruk ah.

MÜCHITMUDU 13:18

Shepünü adanyukkhi amümürang thsüchonü mükheakmürak tüsho achih ngükhi kamchoh, tüshe shepünü thsülangkhi anichonü wüntre jihchoh.

MÜCHITMUDU 25:13

Thiyuro yunithsürü ju anihbuh thiyirü ki yimlu kim ching rüngmükhingdo alakhi phürüm nangde lah, tümüde apinü nihbuh putungrübo me rhüngrhüngshihchoh.

MÜCHITMUDU 25:23

Dukulim pungnü tsüng bede arüchoh, tüsho dünthamungthanü bukakhiuk hande arüchoh.

MÜCHITMUDU 26:6

Shepünü makharü khah hode thiyusheak mühahchonü nihbuh jing lipkhia bahchoh tüsho athsümünim yungchoh.

JEREMIA 23:28

Wukihrü shepünü milim mikheanü milim kheanshang, tüshe shepü I yu lanü thiyuronü I yu asukshang. Tümü rimneang ju wheat hi lung rukhüh la? Atungpuhnü thachoh.

EZEKIEL 3:18

Küyimki inü mihbukmuyuk mihtsürü ki, Nü tsükjide ashebah de athaba, tüsho nünü api ki düh de müthasho yungsho anihbuh rhangdung khümkhitpü thsüde amütsü limrobo chingnü rholoshihpü masuksho, ju mihbukmuyuk mihtsürü ju anihbuh neak dün shebah, tüsho inü api thiyih nü khah chingnü akheangbah.

WÜHKHE 31:8

Arünü alaksahkhi lungnü Midiarü kiulongthsürübo phüngü harü laksah: Evi, Rekem, Zur, Hur, tüsho Reba. Arünü Beor tsührü Balaam she nuknü laksah.

1 KORINT 4:2

Kheaküshe atoathüprübo ju thiyuro lapü yihnüpü lah.

2 KORINT 2:17

Tümüde isa a püpürü ahihkhüh nangde Thrünpuh yu yinzüyindochoh yung; tüshe adüngakhide, Thrünpuh kilimnü, isanü Khrista ching Thrünpuh miki asukchoh.

2 KORINT 5:20

Jumonü Thrünpuhnü isa hode tuthsukkhi nangde, isa ju Khrista yo limburü ah. Khrista thsung thsüde isanü nüsa ki mushuchoh: Thrünpuh kheak tsüarihang.

1 TIMOTHI 1:12

Ha thsungkheak I kilim sühmüh jihbuh isa Atungpuh Jisu Khrista kilim inü makshe jihchoh, tümütüsho ha tankihpü ching I yüzahshihde apinü I thiyuro lakhi khejih.

2 TIMOTHI 2:2

tüsho thiyumütsan ahihdo mikinü nünü I kheaknü tümü sodünü püpürü ki thsangyukhukpü thiyuro lakhi mihtsürübo ki thiyiang.