MÜCHITMUDU 13:16 - AMÜSÜH HÜM CL Bible (BSI)

¹⁶ Rükri lakhi mihtsürü abannü adüngakhinü rhimochoh, tüshe makharü a nihbuh makhakhi khimshuh mülih-a zolah.

MÜCHITMUDU 13:16 Iomraidhean Croise

MUNGSHIKHÜN 112:5

Mihtsürü atsünü amüthsüm lade rhimochoh tüsho nipjihchoh; apinü anihbuh shothsümolo thiyuronü akhualochoh.

MÜCHITMUDU 14:33

Anikhitkhi mulong ching lümlung zhikde lachoh, tüshe makharü mulong ching tümü lanü mükheahshihchoh.

MÜCHITMUDU 15:2

Lümlung larü mulonü lungkide mükheahmudu ahorichoh, tüshe makharü münnü makhakhi thakhitchoh.

MÜCHITMUDU 18:2

Makharünü anikhitkhi ching asühkhi müla, tüshe nihbuh lümkhi huhkhi lang lah.

MÜCHITMUDU 21:24

Lülüshishi tüsho akükheang mihtsürü mung ju, “ Luhmünerü”; apinü lülüshishide kükheangchoh.

T H S AN GYU T H S AN GR ARÜ 10:13

Api mün ching mudukmüke yunü tankihchoh, tüsho api yu thakhi makhadakkhi ching kheamchoh;

T H S AN GYU T H S AN GR ARÜ 10:3

Makharünü limro kheak tsahchoki she, arü lümkhi müla, tüsho arü mudukmüke alala ki huhchoh.

ISAIA 52:13

Kheahang, I yamlarü kukzamde alabah; api shuhkihbah tüsho bekihbah tüsho khide achang labah.

MATHI 10:16

“Kheahang, inü nüsa rimre bolung namfimihnubo nangde yüshihchoh. Jumonü phuruto nangde lümlung laang tüsho müthrithrümpü nangde lümlang thsang.

ROMRÜ KILIM PAULNÜ ATHRÜTKHI KIHÜM HUHTANYU 16:19

Nüsanü mihyuanikhi dünkheak mihbüm abannü sodo, jumonü nüsa kheak I asühkhinü mide lah; tüshe nüsanü atsü dünkheak inü nüsa lümlung larü tüsho amütsü dünkheak lümlang thsüshihnelah;

1 KORINT 14:20

Keoniorübo, nüsa lümzülümdo ching azürü düthsü, amütsü ching khungarü thsang, tüshe lümzülümdo ching azorü kamang.

EFISIA 5:17

Jumonü dümakha, tüshe Atungpuh lümkhi tümüanü anikhitang.

1 SAMUEL 25:17

Jumonü kheakü ha mükheahang tüsho nünü tümü rhimobeanü lümakheahang; tümüde isa putungpuh tüsho api yamkhün alala kheak amütsü rhimo lümkihabahdo; api ju shenü masukachihkhukpü thsüde mihbukmuyuk ah.”

1 SAMUEL 25:25

I tungpuh, ha mihbukmuyuk Nabal yakli dünkheak sükde dülüm; tümüde api mung yande, api ju ah; api mung Nabal ah, tüsho makhakhi api kheak lah; tüshe I, nü yamlaberünü I tungpuhnü arüshihkhi athrününgtsüngbo müngü.