MÜCHITMUDU 13:12 - AMÜSÜH HÜM CL Bible (BSI)

¹² Mulonglam atrütkhinü tukthsüde kamchoh, tüshe küyimki alunekhi dünjibanü, ha rhangdung sangdung ah.

MÜCHITMUDU 13:12 Iomraidhean Croise

THRÜNTAN 46:30

Tüsho Israelnü Josep ki tha, “Kheaküa I sheanü, tümütüsho inü nü miro ngüdo, tüsho nü kheakü khiungde lah.”

NEHEMIA 2:2

jumonü apinü keokhi, “Nü mutukthsüthsüa tümüde nü miro mulong tukthsüde huhcho le? Ha tümü yung tüshe mulong masühkhinü ah.” I khide tre

MUNGSHIKHÜN 143:7

I ki niokheamde alojang, O Atungpuh ; I me dükheakchoh! nü miro I kheaknü düjik, jude yungsho I ju alokhün ching yüzahrü nangde alabah.

MUNGSHIKHÜN 17:15

I thsungkheak a, inü nü miro thiyuro-lungki ching ngübah; küyimki I asürübanü nü jak ngükhi hode I reangkeambah.

MUNGSHIKHÜN 69:3

I atripkhinü khia lah; I wak kunga lah. I Thrünpuh aleangkhinü I mük tsünshelakdo lah.

MÜCHITMUDU 11:30

Thiyuro-lungkirü sangaso ju rhangdung sangdung, tüsho shepü lümlung lanü mebo bedarüchoh.

MÜCHITMUDU 13:11

Thiyuro mülade lakhit ngükhi ju akheambah, tüshe shepünü rhimo hode hanmukhungchonü arünkihbah.

MÜCHITMUDU 13:13

Shepünü thiyu mükhemükimbanü athsümünimbah, tüshe shepünü thiyukhüm trechonü thsambah ngübah.

MÜCHITMUDU 13:19

Lunede alakhi akuk ngükhi ju me kilim niungde lah, tüshe makharübonü amütsü chingnü chamachihpü ju athraneanbe lah.

MÜCHITMUDU 3:18

Anihbe kheak tholorü kilim hoju rhangdung sangdung ah; düngde anihbe tholorü ki asühpü de jichoh.

KHÜNBOLUNGKHÜN 5:8

Inü thachoh, O Jirusalem tsührü liberübo, nüsanü I tsübuh ngüsho, I a muzhoachih tukthsülah de api ki thaang.

JOHAN 16:22

Jumonü nüsa kheakü mulong rozhak lah; tüshe inü nüsa ngülobah tüsho nüsa mulong asühbah, tüsho nüsa asühkhi shenü she nüsa kheaknü lude mutso.

AMIKHEAKAKHIUKKHI 2:7

Shepü nükhün kihlanü, Menü borübo ki tümü thachonü apinü aniang. Akuk ngübuh kilim Thrünpuh sühakhimpung ching lakhi rhangdung sangdung aso tsühpü inü mülüjihbah.’

AMIKHEAKAKHIUKKHI 22:2

kiuto kiudunglimro phulungnü aki; kheaküshe ayung thripkhüh thripkhüh aso mungji thürükheak mahne kihde rhangdung sangdung, khinu aban asode alakheah; tüsho sangyübo ju trükshihbo thsüngupü thsungkheak lakheah.