MÜCHITMUDU 12:8 - AMÜSÜH HÜM CL Bible (BSI)

⁸ Mihtsürü ju api lümlung ayannü shijihchoh, tüshe lüm amütsü mihtsürü a khenoabahchoh.

MÜCHITMUDU 12:8 Iomraidhean Croise

THRÜNTAN 41:39

Pharaonü Josep ki tha, “Thrünpuhnü ha alala nü ki huhdo, nü nangde sheshe mütsankhitkhi tüsho lümlung larü müla.

MUNGSHIKHÜN 132:18

Inü api riribo achihnü alüpdojihbah tüshe api kiulongthsü akuk ngüde lalim tsübah.”

MÜCHITMUDU 1:26

inü she nü thsümütsüchoki münejihbah; küyimki nü atrebe arübanü inü luhmünebah,

MÜCHITMUDU 12:7

Mihbukmuyuk a lahyuka bahdo tüsho kheaküa müla, tüshe thiyurolungkirü yam azhipbah.

MÜCHITMUDU 12:9

Atorü mihtsürü nangde huhbah khümde alapü kheaknüa rhangdung lapü thsüde arhimokhi aninirü mihtsürü thsükhi atsübe ah.

MÜCHITMUDU 29:27

Thiyuro-lungkirünü thiyuro mülarü thraneanchoh; mihbukmuyuknü alungkirü thraneanchoh.

MÜCHITMUDU 3:35

Lümlung larü a müretah yamrüplurüp lubah, tüshe makharübo a mungchih ngükhi labah.

MÜCHITMUDU 5:23

Thsangdan mülakhinü api ashebah, tüsho nihbuh makhakhi ato ching api tsophülapbah.

T H S AN GYU T H S AN GR ARÜ 8:1

Shepü lümlung larü mihtsürü nangde la? Tüsho tümükhüh thanakkhi shepünü mükheahla? Lümlungnü khürü miro yinshihchoh, tüsho miro mitingkhi müthrishihchoh.

ISAIA 19:14

Atungpuhnü arü kheak ayingying me dungyukjihdo; tüsho amüshangrünü mülümde ayingyingkhi ruk arünü Ijip rhimo alala ching yingyingshihdo.

DANIEL 12:2

Asherü ahihdo asürülobah: khürü akheam müla rhangdung labah, tüsho khürü achih ngükhi tüsho akheam müla abahyuk labah.

LUKNÜ ATHRÜTKHI THIYUSHEAK-ATSÜ HUHTANYU 16:8

Junangde aputungrünü thiyuro mülakhi khinkihthsübuh ju tsülah de tha tümütüsho apinü rük lade rhimo. Tümütüsho ha lomi tsührübo ju arü lün ching ayin tsührübo kheaknü rük labeah.

YUNIRÜBO RHIMO 12:23

Zukleangnü Atungpuh yunirünü api shik, tümütüsho apinü Thrünpuh müremütah; api ju musonü ru tüsho sheabah.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

2 KORINT 10:18

Tümütüsho nihbuh küdah thsüde shilokhinü yung, tüshe shepü Atungpuhnü shijihchonü athülün lah.

1 SAMUEL 13:13

Samuelnü Saul ki tha, “Nünü bünkeangbünrude rhimodo; apinü nü kilim thiyukhüm jihkhi Atungpuh nü Thrünpuh yukhüm nünü manidebahdo. Atungpuhnü nü kiulongthsü Israel kurungkheak lünnü alashihpü thsükheah,

1 SAMUEL 16:18

Athrününgtsüng khülangnü tha, “Inü Bethlehemrü Jesse tsührü khülang akingsorü, mulong torü, athrungrü, thiyu ching ayuk, tüsho trungdung akheahakhamkhi ngüdo; tüsho Atungpuh api lung lah.”

1 SAMUEL 18:30

Judüki Filistiarü bonungrü keochihpü akhiuk; tüsho arü akhiukkhi aban Saul yamlarübo kheaknü Davidnü alü thsüde akuk ngü, junangde api mungshikhi khide ato kam.

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.

1 SAMUEL 25:17

Jumonü kheakü ha mükheahang tüsho nünü tümü rhimobeanü lümakheahang; tümüde isa putungpuh tüsho api yamkhün alala kheak amütsü rhimo lümkihabahdo; api ju shenü masukachihkhukpü thsüde mihbukmuyuk ah.”