MÜCHITMUDU 12:5 - AMÜSÜH HÜM CL Bible (BSI)

⁵ Thiyuro-lungkirü lümkhibo alim lah, tüshe mihbukmuyuk lümthiyanbo mülapyukbe lah.

MÜCHITMUDU 12:5 Iomraidhean Croise

MUNGSHIKHÜN 119:15

Inü nü yukhümbo tamkhüntamnüde alümbah, tüsho nü limrobo lümakheahbah.

MUNGSHIKHÜN 139:23

I yimang, O Thrünpuh, tüsho I mulong mükheahang;

MÜCHITMUDU 11:23

Thiyuro-lungkirünü alunekhi ju atsü lang ah, tüshe mihbukmuyuk mükkin thsükhi ju mulong zhipzhip ah.

MÜCHITMUDU 12:4

Yamkhünberü atsü ju ayamkhünbuh kuthran ah, tüshe mungchih lakhi yamkhünberü a api robo ching ashuhkhi ruk ah.

MÜCHITMUDU 12:6

Mihbukmuyuk yubo ju thiyih bukpü jimkhi ah, tüshe alungkirü yunü arü bekhitchoh.

MÜCHITMUDU 14:8

Lümlung larü rükri ju nihbuh limro anikhitpü lah, tüshe makharü mudukmükekhi ju bemüchihkhi lah.

MÜCHITMUDU 24:9

Makha asahkhi ju neak, tüsho mihtsürübonü luhmünerü thraneanchoh.

ISAIA 55:7

mihbukmuyuknü arü limro tüsho thiyuro mülarünü arü lümkhi bahyukshang; arünü Atungpuh kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

JEREMIA 4:14

O Jirusalem, mihbukmuyuk chingnü mulong müsühang, junangde nü khümkhitbah. Nü lümkhi amütsü külokhüh nü kheak laba?

JEREMIA 9:3

Arünü akeangyu thsungkheak arü mulobo sanglüh nangde hünchoh; arübo lomi ching thiyuro thsungkheak amürangrü yung; tümüde arünü amütsü chingnü amütsü ching yüdo, tüsho arünü I mümükheah, Atungpuhnü thachoh.

JEREMIA 9:5

Arü alalanü arü yamhingrü mülapyukchoh, tüsho shenü she thiyuro masuk; arünü akeangyu thapü arü mulobo ki thsangyudo; arünü amülim yihbeakdo tüsho neak yihbeakkhinü keaka lah.

MATHI 2:16

Küyimki mükheahmudurübonü api mülapyukdo de Herodnü amükheahkhea, api khide bukakhiuk; tüsho apinü mükheahmudurübo kheaknü anikhitkhi kim ayannü Bethlehem tüsho ju mühi athrürü nunu kam mahnenü abukkhüp alala laksahpü thiyukhüm jih.

MATHI 26:4

tüsho arünü rük thsüde Jisu rama lubah alaksahpü lümkhi thsü.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

2 KORINT 4:2

Ju müthri isanü müyima lakhi tüsho achihbe limrobo bahkhido; isanü mümülapmüji yungsho Thrünpuh yu arükchih mükamshih. Tüshe thiyuro thakhi ching Thrünpuh miki, mihtsürü aban ki isa tsülah dükhinü lah.