MÜCHITMUDU 12:25 - AMÜSÜH HÜM CL Bible (BSI)

²⁵ Mulong sansankhinü lümthsünü kamshihchoh, tüshe thiyu atsünü ju asühshihchoh.

MÜCHITMUDU 12:25 Iomraidhean Croise

MUNGSHIKHÜN 38:6

I küpkhukdo, I khide abobe kamdo; inü nimung amuyung tüzhochoh.

MUNGSHIKHÜN 42:11

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MÜCHITMUDU 12:18

Khürünü nukshang chinkhitkhibo nangde asukchoh, tüshe lümlung larü mulonü shihphü tsüshihchoh.

MÜCHITMUDU 12:26

Thiyuro-lungkirü ju nihbuh müyamrü limro huhrü ah, tüshe mihbukmuyuk a arü limronü bephülapde tsochoh.

MÜCHITMUDU 14:10

Mulong abannü nihbuh akhüh mükheahlah, tüsho shenü she asühkhi müchamachihkhuk.

MÜCHITMUDU 15:13

Asühkhi mulongnü miro yinshihchoh, tüshe mulong rozhakkhinü me thsümünimchoh.

MÜCHITMUDU 15:15

Zhochihrü nimungbo alala chipde lah, tüshe asühkhi mihtsürü a kamruhroro rhangdung reangkeamde lah.

MÜCHITMUDU 15:23

Mihtsürü khülang ju nihbuh mün chingnü athakhinü asühpü lah, tüsho kim dükdü ching ayede athakhi yu küdükhüh she atsü la!

MÜCHITMUDU 15:30

Miro yinkhinü mulong asühpü hande arüchoh, tüsho thiyusheak atsünü phü müsüshihchoh.

MÜCHITMUDU 16:24

Athünak yubo ju mukhuke nangde, me ching niunglah tüsho robo shihphü tsüshihchoh.

MÜCHITMUDU 17:22

Asühkhi mulong ju moli atsü ah, tüshe athsümünimkhi menü robo kungshihchoh.

MÜCHITMUDU 18:14

Tukthsüde alachoki mihtsürü ju menü alashihbah, tüshe me thsümünimsho shepünü arümkhukba?

MÜCHITMUDU 25:11

Thiyu ayede asukkhi ju shotoyinchi ching suna mukhiukbo thürüngkhi nangde lah.

MÜCHITMUDU 27:9

Rhümthüneabe tüsho jinjinlaknü mulong asühshihchoh, tüshe me a küpkhuknü thsümünimshihchoh.

ISAIA 50:4

Atungpuh Thrünpuhnü I kilim thsangyupü mulo khülang jih, junangde inü keaksahrü thiyu khülangnü reangzahshihpü mükheahbah. Yapsu aban apinü I yihmusuchoh– khürükhüh thsangyukhi anipü nangde I nükhün dukoshih.

ZEKARIA 1:13

Judüki Atungpuhnü I ki asukachihbuh yunirü ki muzhode tüsho ashukheam yubonü alo.