MÜCHITMUDU 12:24 - AMÜSÜH HÜM CL Bible (BSI)

²⁴ Müküpde arhimokhinü nü kilim wu jihbah, tüshe yomuhyothsünkhinü nü yamlarü kamshihbah.

MÜCHITMUDU 12:24 Iomraidhean Croise

THRÜNTAN 49:15

Tüshe apinü sühakhim dangpung ju tsüde tüsho alo ju asühpü thsüde ngü. Jumonü apinü hah hanpü adüthsün mükhümchoh tüsho azhorü nangde reangkih-a rhimochoh. @SPACE=

1 KIULONG THSÜRÜ 11:28

Jeroboam ju khide amüzhak mihtsürü lakheah, tüsho küyimki athrününgtsüngbuh ju rhimo mükheahrü ah de Solomonnü angükhea, apinü anihbuh ju Josep yamkhün ching rhimo amüküp alala kurungkheak hahmülang jih.

1 KIULONG THSÜRÜ 12:20

Küyimki Jeroboam alode arüdo de Israel alalanü asokhea, arünü yüshihbah api boto mukhung ching jidarü tüsho Israel alala kurungkheak api kiulongthsürü kamshih. Juda trük kheak hode David yamkhün yanrü sheshe mülakheah.

1 KIULONG THSÜRÜ 9:21

arü tsühsoniusobo sherübo lomi ching aninga lakhea, sherü kheak Israelrünü shahde müdükheakshihkhea–harübo Solomonnü azhorü thsüde rhimopü thrütde mokhit, tüsho junangde arübo khihni khiungde lah.

MÜCHITMUDU 10:4

Yomuhkhi khahbonü mihtsürü zhochihchoh, tüshe jinjihkhi khahbonü lakhit hande arüchoh.

MÜCHITMUDU 12:27

Nü yomuhyothsünsho nünü amüshamkhi küyimkishe müngü, tüshe nünü mürangde rhimosho nü kuhi-atsü ngübah.

MÜCHITMUDU 13:4

Yomuhyothsün mihtsürünü tümükhüh künkün she apinü küyimkishe ju müngü. Mürangde arhimorü a apinü akünkhi lüpdükhi ngübah.

MÜCHITMUDU 17:2

Lümlung lakhi yamlarünü achih ngüshihkhi tsührü kurungkheak yakzan shuhbah, tüsho keoniorü bolung yamrüplurüp chamachihbah.

MÜCHITMUDU 19:15

Yomuhyothsünkhinü yapnekudopü hande arüchoh, tüsho yiuhyiuhrara mihtsürü a khümde lachoh.

MÜCHITMUDU 22:13

Yomuhyothsün mihtsürünü thachoh, “Wungdo ching kekhüzü lah! I a wungdophulung ching nguhsahbah!”

MÜCHITMUDU 22:29

Mihtsürü khülang api rhimo ching yeanzamkhi nünü ngüchonah? Api kiulongthsürübo miki zhipbah; api a mümükheahkhi mihtsürübo miki müzhip.

MAHKHAPRÜ 1:28

Küyimki Israelrü müküpde akamkhea, arünü Kananrü ju reangkih-a rhimoshih tüshe arü yankhita mübah.