MÜCHITMUDU 12:18 - AMÜSÜH HÜM CL Bible (BSI)

¹⁸ Khürünü nukshang chinkhitkhibo nangde asukchoh, tüshe lümlung larü mulonü shihphü tsüshihchoh.

MÜCHITMUDU 12:18 Iomraidhean Croise

MUNGSHIKHÜN 52:2

Nü mulonü athsümünim asahchoh, kuyüliuh ayuk nangde mülapyukde rhimochoh.

MUNGSHIKHÜN 57:4

I a mihtsürü tsühbe kekhüzübo nangde alakhi thiriribonü sündobah lah; arü hübo thsüh tüsho hühzobo ah tüsho arü mulo ju azüpzüp nukshang ah.

MUNGSHIKHÜN 57:5

O Thrünpuh, yinmibo kumung shuhkihang; nü müretahkhi alomi alala kumung lashang.

MUNGSHIKHÜN 59:7

Atsütsü, arü mün chingnü amapkhitchoh; arü münküp ching nukshangbo lah; tümüde arünü thachoh, “Shenü sola?”

MUNGSHIKHÜN 64:3

sherünü nukshang nangde arü mulo zücho, tüsho hühzobo nangde arü akhüh yubo amucho,

MÜCHITMUDU 12:17

Shepünü thiyuro asukchonü thiyuro-lungki khipkhitchoh, tüshe arükchihnü akeangyu thiyumütsan thsüchoh.

MÜCHITMUDU 13:17

Mihbukmuyuk yunithsürü küpkhuk ching keamyukchoh, tüshe thiyuro lakhi limburünü mungtsü hande arüchoh.

MÜCHITMUDU 15:4

Athsüngu hande arükhi mulo ju rhangdung sangdung ah, tüshe mülapmüji mulonü me thsümünimchoh.

MÜCHITMUDU 15:7

Lümlung larü münküpbonü mükheahmudu bushihchoh, tüshe makharü mulongnü jude müthsü.

MÜCHITMUDU 16:24

Athünak yubo ju mukhuke nangde, me ching niunglah tüsho robo shihphü tsüshihchoh.

MÜCHITMUDU 25:18

Mihtsürü shepünü nihbuh yamhingrü azhihde thiyumütsan thsüchonü shitso, nukshang, tüsho hühzo nangde lah.

MÜCHITMUDU 4:22

tümüde arü ju arü ngürü kilim rhangdung, tüsho arü pang alala kilim shihphü atsü ah.

DANIEL 11:33

Mihtsürü bolung lümlung larünü ahihdo kilim anikhitkhi jihbah; judüalalashe nimung anükhüh arübo nukshang tüsho motrunü tüsho yande aramkhinü akeambah.

AMIKHEAKAKHIUKKHI 1:16

api khah tsülim apinü chining thüne shuh, amün chingnü nukshang khülang khülim khülim ahüyuk akhiuk, tüsho api miro ju ani müzhakde athsahkhi nangde alakheah.

AMIKHEAKAKHIUKKHI 22:2

kiuto kiudunglimro phulungnü aki; kheaküshe ayung thripkhüh thripkhüh aso mungji thürükheak mahne kihde rhangdung sangdung, khinu aban asode alakheah; tüsho sangyübo ju trükshihbo thsüngupü thsungkheak lakheah.