MÜCHITMUDU 12:1 - AMÜSÜH HÜM CL Bible (BSI)

¹ Shepünü thsangdankhi muzhochonü mükheahmudu muzhochoh, tüshe shepünü athsülangkhi thraneanchonü makharü ah.

MÜCHITMUDU 12:1 Iomraidhean Croise

MUNGSHIKHÜN 119:27

Nü yakzanbo anikhitpü I rungang, tüsho nü amüyinsahbe rhimobo kheak inü alümbah.

MUNGSHIKHÜN 141:5

Thiyuro-lungkirünü I shikshang; ha amuzhokhi labah. Tüsho apinü I thürühshang; ha atsüdak müdangke labah; I kunü ju düthsungloshih. Tümüde I tamkhüntamnü ju mihbukmuyuk azhihde judü lang lah.

MUNGSHIKHÜN 32:9

Mihyuanishihpü münmükhip tüsho shihküp-liunü adanyukkhi anikhitkhi mülakhi khora yungsho khoranunu nangde düla.

MUNGSHIKHÜN 50:17

Tümüde nünü adanyukkhi thraneanchoh, tüsho I yubo nü dunglim bahchoh.

MUNGSHIKHÜN 92:6

Lümzülümdo mülakhi mihtsürünü mümükheah, yungsho makharünü ha manikhit.

MÜCHITMUDU 10:8

Mulong rhangrünü thiyukhümbo leangkhichoh, tüshe makhayu thakhi athsümünim arüchoh.

MÜCHITMUDU 11:31

Alomi ching thiyuro-lungkirü thsambah ngüchoh, junangde mihbukmuyuk tüsho aneakrü thsümüchibah de mütsanang!

MÜCHITMUDU 12:2

Mihtsürü atsü a Atungpuh kilimnü amuzho ngüchoh, tüshe amütsü asahrübo apinü bahyukchoh.

MÜCHITMUDU 15:10

Müküpde adanyukkhi ju limro bahyukrü thsungkheak lah, tüsho shepünü athsülangkhi thraneanchonü ashebah.

MÜCHITMUDU 18:1

Mihtsürü shepünü nihbuh zangrü khükhitchonü apinü nihbuh künkhi yimchoh; apinü lümlung mahkhap alala azhihchoh.

MÜCHITMUDU 30:2

“Tsükjide I a mihtsürü alala kheaknü makhakhi lah, tüsho I a mihtsürünü anikhitbe müla.

MÜCHITMUDU 8:17

Sherünü I muzhochonü inü muzhochoh, tüsho sherünü düshihde I yimchonü I ngübah.

MÜCHITMUDU 8:32

Jumonü kheakü, I ki aniang I tsührübo, tümüde sherünü I limrobo zochonü müngühmühi.

MÜCHITMUDU 8:36

tüshe shepünü I azhihde neak yihbeakchonü nihbuh küdah thsüde yurichoh; I thraneanrü alalanü ashepü muzhochoh.

ISAIA 1:3

Moshipungnü atungrü mükheahlah, tüsho donkinü aputungrünü yimkippung mükheahlah; tüshe Israelnü mümükheah, I mihtsürünü manikhit.

LEVI 13:10

amükeambuhnü akheahjihbah, tüsho küp kheak mü ju müyedo kamde nam müyede kamsho, tüsho nütlosho,

2 TESALONIKA 2:10

tüsho adükheakpü larü thsungkheak rük amütsü alala labah, tümütüsho arünü thiyuro muzhobah akhümkhitpü lakhi reanglo.