MÜCHITMUDU 11:5 - AMÜSÜH HÜM CL Bible (BSI)

⁵ Mungchih mülakhi thiyurolungkinü api limro lungkide abebah, tüshe mihbukmuyuk a nihbuh mihbukmuyuknü akeambah.

MÜCHITMUDU 11:5 Iomraidhean Croise

2 SAMUEL 17:23

Küyimki Ahithophelnü athsunganah mürhimokhi anihbuhnü angükhea, apinü nihbuh donki kheak hah mühahbah kiuto ching thüyam lim yüabah. Apinü nihbuh yam akhinashu thsüde zowu, tüsho azangrü sük; api sheabah tüsho abuh mibahpung ching kiuyukabah.

JOB HU H T ANYU 18:7

Api jingdükü amürangbo khihabahdo tüsho api lümkhinü api keamshihdo.

MÜCHITMUDU 1:18

tüshe arünü arü nihbuh thiyih thsungkheak aleangchoh, arünü arü nihbuh rhangdungbo thsungkheak jimde binchoh.

MÜCHITMUDU 11:3

Alungkirü a thiyuronü arü bechoh, tüshe thiyuro mülarü arü rük mütsükhinü thsümünimchoh.

MÜCHITMUDU 12:3

Mihtsürü khülang ju mihbukmuyukkhinü mülakihchoh, tüshe thiyuro-lungkirü ying murukkhitkhuk.

MÜCHITMUDU 13:6

Thiyuro-lungkinü amülim mülarü tsungdochoh, tüshe mihbukmuyuk ju aneakrübo keamshihpü lah.

MÜCHITMUDU 14:32

Mihbukmuyuk ju nihbuh amütsü rhimo ching yana bah-a lah, tüshe thiyuro-lungkirü a api ashepü ching she tsoyukpung lah.

MÜCHITMUDU 15:19

Yomuhyothsünrü limro ju ayangbonü rhamdolah, tüshe alungkirü limtsahpung a limto ah.

MÜCHITMUDU 21:29

Mihbukmuyuk mihtsürünü nihbuh miro müküpde kamchoh, tüshe alungkirünü a nihbuh limro lümakheahchoh.

MÜCHITMUDU 28:18

Shepü mungchih mülade tsahchonü akhümkhitbah, tüshe shepü nihbuh limrobo ching mülapmüji lanü zukleangnü alungbah.

MÜCHITMUDU 3:6

nü limrobo alala ching api mütsankhitang tüsho apinü nü limro alungki huhbah.

MÜCHITMUDU 5:22

Mihbukmuyuk mihtsürü ju nihbuh amülimbo ching phuhchoh, tüsho anihbuh neak liubo ching api phuh-a lah.

ISAIA 26:7

Thiyuro-lungki limro arihlah; O Thiyuro labuh Khülang, nünü thiyuro-lungki limro arihde kamshih.

HOSEA 5:5

Israel lülüshishikhinü arü azhihkhi huhchoh; api mülimkhi ching Ephraim jing mükhechoh; arü lung Juda she jing mükhechoh.

MAHKHAPRÜ 20:41

Judüki Israel mihtsürünü arü kilim rholode yü, tüsho Benjaminrü müyinsah, tümütüsho arü kheak thsümütsü arüdo de arünü mükheah.