MÜCHITMUDU 11:24 - AMÜSÜH HÜM CL Bible (BSI)

²⁴ Mihtsürü khürünü arü sho phinphurukde bahchoh tüshe alarü lang kamchoh. Püpürünü mükihmürachoh, tüshe zhochihde kamchoh.

MÜCHITMUDU 11:24 Iomraidhean Croise

2 KIUTHSÜYUKHEAN 31:10

Zadok guk atobuh amükeamrü Azarianü api ki alo, “Arünü Atungpuh yam ching arung hande arüpü tankihchokinü, isa tsühpü tüsho aningpü suhdahde alakheah; tümüde Atungpuhnü api mihtsürü müngühjih, junangde ha tode aninga lah.”

MUNGSHIKHÜN 112:9

Apinü khiungke lim ahiuhakhipdo, apinü zhochihrü kilim jihdo; api thiyuro-lungki lünnü rünkhiungbah; api mewün akin jihde ashuhkihbah.

MÜCHITMUDU 11:18

Mihbukmuyuk mihtsürünü mülapmüji rhimo thsüchoh, tüshe shepünü thiyuro-lungki hiuchonü atsütsü thsambah ngüchoh.

MÜCHITMUDU 11:23

Thiyuro-lungkirünü alunekhi ju atsü lang ah, tüshe mihbukmuyuk mükkin thsükhi ju mulong zhipzhip ah.

MÜCHITMUDU 11:25

Salarü mihtsürü lalim tsüde akambah; shepünü püpürü rungbanü nihbuh runglobah.

MÜCHITMUDU 13:7

Khürünü nihbuh zangrü alarü khea luchoh, tütüshe tümü müla; tüsho khürünü nihbuh zangrü zhochihrü khea luchoh, tütüshe lakhit ato lah.

MÜCHITMUDU 19:17

Shepünü zhochihrü ki muzhochonü Atungpuh ki nipjihchoh, tüsho anihbuhnü tümü jihkheanü apinü ajihlobah.

MÜCHITMUDU 28:27

Shepünü zhochihrü kilim jihchonü zholümde müla, tüshe shepünü mükbo tukchonü muthrumüneanbo ahihdo labah.

MÜCHITMUDU 28:8

Shepünü sholü lude nihbuh lakhit rünkihchonü zhochihrü muzhorü khilim hanmukhungchoh.

T H S AN GYU T H S AN GR ARÜ 11:6

Yapsu limnü müjih hiuang, tüsho arelim nü khah dütuklo; tümüde küpü tsübanü nünü mümükheah, ha yungsho hoju, yungsho ane chido tsüpü kuklah.

HAGGAI 1:6

Nüsanü hihde mükheando, tüshe nükde yimludo; nüsanü tsühchoh, tüshe küyimkishe nüsa bukmüthsü; nüsanü yungchoh, tüshe küyimkishe nüsa kethürimüri; nüsanü khim phuyuchoh, tüshe sheshe mülamlam, tüsho nüsanü mulomüthsükhi ju akhün bitkhi qiuqiu ching yukpü mulomüthsüchoh.

MALAKI 3:8

Khürünü Thrünpuh rükakiba de? Tütüshe nüsanü I rükakichoh! Tüshe nüsanü thachoh, “ Künangde isanü nü rükakicho?” Nüsa thürü shihcham tüsho kingaün jihkhibo ching!

LUKNÜ ATHRÜTKHI THIYUSHEAK-ATSÜ HUHTANYU 6:38

jihang, tüsho ju nü kilim jihbah; tsüde adünde, nimde, niukarihde, müleamkhiukde nü khah ching jihbah. Tümütüsho nünü adüna jihkhi chingnü nü adünloa angübah.”

YUZÜNGTHALO 15:10

Nünü tsükjide api kilim jihang tüsho nünü api kilim jihchoki nü mulong düthsümünim, tümütüsho ha dünkheak Atungpuh nü Thrünpuhnü nünü arhimokhi alala ching müngühjihbah.