MÜCHITMUDU 11:22 - AMÜSÜH HÜM CL Bible (BSI)

²² Sulüm mülakhi liberü jaktsü ju kheaknu nupung ching suna nüpü nükhi ruk ah.

MÜCHITMUDU 11:22 Iomraidhean Croise

THRÜNTAN 24:47

Judüki inü alibe ki keo tüsho tha, ‘Nü shepü tsührübe a?’ Tüsho alibenü alo, ‘Milkanü Nahor kilim zübejihkhi Bethuel tsührübe ah.’ Jumonü inü anupung kheak nüpü yukjih tüsho akhah ching bingkhümbo yukjih.

MÜCHITMUDU 11:21

Mihbukmuyuk a müthsümüchidüa müyü de mütsanang, tüshe thiyuro-lungkirü a atsokhitbah.

MÜCHITMUDU 12:4

Yamkhünberü atsü ju ayamkhünbuh kuthran ah, tüshe mungchih lakhi yamkhünberü a api robo ching ashuhkhi ruk ah.

MÜCHITMUDU 31:30

Amürühkhi ju mülapmüji tüsho jaktsükhi akeangkeang, tüshe aliberü shepünü Atungpuh trechonü, anihbe shijihbeah.

MÜCHITMUDU 7:10

Tüsho ju ching aliberü khülangnü müzammüram khimmih yihbah münityukpü asahde api shoru.

MÜCHITMUDU 9:13

Makhakhi liberü ju sheak tolah; anihbe müdanyuk tüsho tümü mümükheah.

2 PETER 2:22

Thiyuro müchitmudu yande arü kheak dünjido: “Khihnunü apinü amülümkhi lim rholode yüchoh,” tüsho, “Kheaknu dretonü kemüyihbah akhimniuhniuh ching awuhpung lim alode yüchoh.”