MÜCHITMUDU 11:19 - AMÜSÜH HÜM CL Bible (BSI)

¹⁹ Thiyuro-lungkinü rhangdung lim bechoh, junangde shepünü amütsü müshamchonü ashebah.

MÜCHITMUDU 11:19 Iomraidhean Croise

2 KIULONG THSÜRÜ 1:16

tüsho api ki tha, “Atungpuhnü ha thachoh: Tümütüsho nünü Ekron thrünpuh Baal-zebub ki keokhishihpü yunithsürübo yüshih, ju api ki keokhipü Israel ching Thrünpuh mülamonü a de? Jumonü nü yükihkhi yapkiu kheaknü nü maki, tüshe tsükjide nü ashebah.”

2 KIULONG THSÜRÜ 1:4

Kheakü jumonü Atungpuhnü ha thachoh, ‘Nü yükihkhi yapkiu kheaknü nü maki, tüshe tsükjide nü ashebah.’ ” Jumonü Elijanü tsoabah.

MÜCHITMUDU 10:16

Thiyuro-lungkirü khisahkhi ju rhangdung lim bechoh, tüshe mihbukmuyuk mihkhahbonü thsümüchibo hande arüchoh.

MÜCHITMUDU 11:4

Bukakhiuk nimung ching lakhit tümü alü müla, tüshe thiyurolungkinü ashe chingnü bekhitchoh.

MÜCHITMUDU 12:28

Thiyuro-lungki limro ching rhangdung lah, tüsho ha limtsahpung ching ashekhi müla.

MÜCHITMUDU 19:23

Atungpuh trekhinü rhangdung lim bechoh, tüsho shepü ha lanü reangkeamde alabah; api a thsümütsü müngü.

MÜCHITMUDU 21:16

Mihtsürü shepü anikhitkhi limro chingnü rümde tsahchonü asherü bolung sühakhimbah.

MÜCHITMUDU 21:21

Shepünü thiyuro-lungki tüsho amüthsüm yimchonü rhangdung tüsho wüntrepü ngüchoh.

MÜCHITMUDU 8:36

tüshe shepünü I azhihde neak yihbeakchonü nihbuh küdah thsüde yurichoh; I thraneanrü alalanü ashepü muzhochoh.

YUNIRÜBO RHIMO 10:35

tüshe trükshih alala ching shepünü api trecho tüsho alungki rhimobanü api kilim aleangkhikhukbe lah.

ROMRÜ KILIM PAULNÜ ATHRÜTKHI KIHÜM HUHTANYU 6:23

Tümüde neak mihkhah ju ashekhi, tüshe Thrünpuh akeang thsambah ju Atungpuh Jisu Khrista ching lün rhangdung lah.

YUZÜNGTHALO 16:20

Nünü küju thiyuroanü ju yimang, junangde nü rhangdung labah tüsho Atungpuh nüsa Thrünpuhnü ajihkhi lo yamrüplurüp lubah.

JAKOB 1:15

Amütsü künkhi küyimki mihlabanü neak zübejihchoh; tüsho küyimki neak azorü kambanü ashepü handarüchoh.

1 JOHAN 3:10

Ha Thrünpuh tsührübo le arimri tsührübo dükeak mütsankhi lah: Shepünü alungki mürhimocho, yungsho nihbuh keoniorü mümuzhonü Thrünpuh tsührü yung.

1 JOHAN 3:7

Azürübo, shenü she nüsa dümülapyukshih. Api thiyuro-lungki lakhi hode shepünü alungki rhimochonü thiyurolungkirü ah.