MÜCHITMUDU 11:10 - AMÜSÜH HÜM CL Bible (BSI)

¹⁰ Küyimki thiyuro-lungkirü tsüde alabanü, kiuto asühachihchoh; tüsho küyimki mihbukmuyuk dükheakbanü, asühachihde azhikhi lah.

MÜCHITMUDU 11:10 Iomraidhean Croise

2 KIULONG THSÜRÜ 11:20

Jumonü lomi mihtsürü alala asühachih; tüsho kiulongthsüpuh yam ching nukshangnü Athalia laksahshu kiuto zhikabah.

2 KIUTHSÜYUKHEAN 23:13

tüsho küyimki alibenü akheahkhea, kiulongthsüpuh ju ayüzahpung anihbuh dungjing ki zhip, tüsho wühkenorübo le hulipungpung khungrü kiulongthsüpuh rheang ki zhip, tüsho lomi mihtsürü alalanü asühachih tüsho hulipungpungbo müt, tüsho khün thsürübonü arü khün-khungbebo shuhbah münchi bede ngü. Athalianü anihbe khimmih thorüp, tüsho zhi, “Mülapmüjido! Mülapmüjido!”

2 KIUTHSÜYUKHEAN 23:21

Junangde lomi mihtsürü alala asühachih, tüsho nukshangnü Athalia laksahshu a kiuto zhikrangkhündo kam.

JOB HU H T ANYU 27:23

Junü api kheak khah damchoh, tüsho ju dangpung chingnü api kheak ish thsüchoh.

ABEKHIT 15:21

Tüsho Mariamnü arü ki khün thsü: “Atungpuh ki khün thsang, tümüde apinü müretahde kukdo; khora tüsho aberü apinü keto ching jipyuk.”

MÜCHITMUDU 11:11

Alungkirü müngühmühikhinü kiuto shuhkihchoh, tüshe mihbukmuyuk münnü ju lah-a keamshihchoh.

MÜCHITMUDU 28:12

Küyimki thiyuro-lungkirü asühachihbanü, ju ching müretahkhi ato lah; tüshe küyimki mihbukmuyuk asürübanü, mihtsürübonü jikabahchoh.

MÜCHITMUDU 28:28

Küyimki mihbukmuyuk wu labanü, mihtsürübo jikchoh; tüshe küyimki arü wu dükheakbanü, thiyuro-lungkirünü yakzan shuhchoh.

MÜCHITMUDU 29:2

Küyimki thiyuro-lungkirünü yakzan shuhbanü, mihtsürübo asühachihchoh; küyimki mihbukmuyuknü yakzan shuhbanü, mihtsürübo phüthsaksümchoh.

JEREMIA 51:48

Jüdüki thüningbo tüsho alomi, tüsho jurü ching lakhi alalanü Babilon kurungkheak asühde ahobah; tümüde arü azhihde athsümünimrü dukulimnü arübah, Atungpuhnü thachoh.

MAHKHAPRÜ 5:31

Jumonü nü riri alala dükheakshang, O Atungpuh ! Tüshe nü muzhorü a ani müzhakde akhiukchoki nangde lashang. Judüki lomi ju kam yirü thsungkheak mungtsü la.