MÜCHITMUDU 10:9 - AMÜSÜH HÜM CL Bible (BSI)

⁹ Thiyuro mihtsürü a kuram tsüde tsahchoh, tüshe shepü akhürang limrobo ching lanü aramkhitbah.

MÜCHITMUDU 10:9 Iomraidhean Croise

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

JOB HU H T ANYU 8:20

Kheahang, Thrünpuhnü amülim mülakhi mihtsürü mübahyuk, yungsho amütsü rhimorü she murung.

MUNGSHIKHÜN 23:4

I amiting asük hode yüyü she, Atungpuh , inü mütre, tümüde nü I lung lah. Nü namfimihnu neakrü tso tüsho shitsonü I kümdochoh.

MUNGSHIKHÜN 25:21

Thiyuro-lungki tüsho alungkinü I kümdoshang, tümüde inü nü aleanglah.

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

MÜCHITMUDU 17:20

Shepü mülapmüji mulong lanü atsü tümü müngüchoh, tüsho shepü mülapyuk mulo lanü amütsü ching keamyukchoh.

MÜCHITMUDU 26:26

apinü athraneankhi ju akeangyunü lüpdodo she api mihbukmuyukkhi amukhungrü alala miki akhiuka huhbah.

MÜCHITMUDU 28:1

Mihbukmuyuk a shenü mümüshamde tsochoh, tüshe thiyuro-lungkirü a kekhüzü nangde mulong tolah.

MÜCHITMUDU 28:18

Shepü mungchih mülade tsahchonü akhümkhitbah, tüshe shepü nihbuh limrobo ching mülapmüji lanü zukleangnü alungbah.

MÜCHITMUDU 3:23

Judüki nü limro ching nü kuram tsüde atsahbah tüsho nü jing mümükhe.

MATHI 10:26

“Jumonü mihtsürübo ki dütre, tümüde amikheak makhiukpü tümü yihdoa müla, tüsho mümükheahpü tümü müyima müla.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

1 TIMOTHI 5:25

Junangde rhimo atsü nahde mütsanchoh; tüsho amütsübo she mümüyimkhuk.