MÜCHITMUDU 10:25 - AMÜSÜH HÜM CL Bible (BSI)

²⁵ Küyimki chitmühean hobanü, mihbukmuyuk mülatsan, tüshe thiyuro-lungkirü a lünnü düküngde zhipchoh.

MÜCHITMUDU 10:25 Iomraidhean Croise

JOB HU H T ANYU 17:9

Tütüshe thiyuro larünü arü limro tholochoh, tüsho khah müsühde alarü alü reangzahde kamshihchoh.

JOB HU H T ANYU 20:8

Api milim khülang nangde phinde atsobah tüsho müngü; azhing michih nangde arübo kheamabahchoh.

JOB HU H T ANYU 21:18

Küdükhüh ki lang arü apung müngüh müneang ruk laba, tüsho tsüngpungtsüngpungnü zünde atsokhi hitsüt ruk laba?

MUNGSHIKHÜN 125:1

Sherü Atungpuh kheak kinchonü makhinde lünnü alapü lakhi Zion Müzüng nangde lah.

MUNGSHIKHÜN 15:5

shepünü nihbuh sho alü thsüpü münipshihcho, tüsho amülim mülarü azhihde buknim mulucho. Shepünü harü rhimochonü küyimkishe matrüt.

MUNGSHIKHÜN 58:10

Thiyuro-lungkirünü royimkhi ngüchoki asühachihbah; apinü mihbukmuyuk thiyih ching ajing müsühbah.

MUNGSHIKHÜN 58:9

Arünü mümükheahyide rimbo nangde rhipa bahbah; Thrünpuhnü api bukakhiukkhi ching arü rhangdung lachoki yünde atsobah.

MÜCHITMUDU 1:27

küyimki nü atrebe chinthrüm nangde tüsho nü athsümünim chitmühean nangde, tüsho lümthsünü le tukmüsüp nü kheak arüba.

MÜCHITMUDU 10:30

Thiyuro-lungkirü küyimkishe matrüt tüshe mihbukmuyuk a alomi ching müla.

MÜCHITMUDU 12:3

Mihtsürü khülang ju mihbukmuyukkhinü mülakihchoh, tüshe thiyuro-lungkirü ying murukkhitkhuk.

MÜCHITMUDU 12:7

Mihbukmuyuk a lahyuka bahdo tüsho kheaküa müla, tüshe thiyurolungkirü yam azhipbah.

ISAIA 40:24

Nükde arübo khimdo, nükde yangdo, nükde adungbonü alo ching aying chinyuk, küyimki apinü arü kheak yünkhea, arübo yiuhabah, tüsho chinthrümnü arübo lungjinim nangde hanbah tso.

MATHI 16:18

Tüsho nü Peter ah de inü nü ki thachoh, ha lung kheak inü I borü thrünkihbah, tüsho thsümüchipung chipiripitbonü ju mazhihkhuk.

EFISIA 2:20

amüsüh-thsangyurübo tüsho wukihrübo khimtan tüsho Jisu Khrista amühit-lung kheak thsükihkhi,

1 TIMOTHI 6:19

hanangde arübe ching arü thsungkheak khimtan atsü thsüchoh, junangde arünü atsütsü rhangdung lakhi rhangdung kheak ramrihbah.

2 TIMOTHI 2:19

Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”