MÜCHITMUDU 10:22 - AMÜSÜH HÜM CL Bible (BSI)

²² Atungpuh müngühmühinü lakhit hande arüchoh, tüsho apinü ju ching küpkhuk muyukajakchoh.

MÜCHITMUDU 10:22 Iomraidhean Croise

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

THRÜNTAN 13:2

Abram ju akam-shiwüh, shotoyinchi tüsho suna ching khide alarü lakheah.

THRÜNTAN 14:23

junangde inü nü yo tümü lang she mulu, hing büm khülang yungsho jingkhümpü zhi khülang she mulu, junangde ‘Inü Abram alarü kamshihkheah’ de nünü müthakhukde alabah.

THRÜNTAN 24:35

Atungpuhnü I putungrü tode müngühjihdo, tüsho alarü kamdo; tüsho apinü anihbuh kilim mihnu boto le moshibo, shotoyinchi le suna, athrürü tüsho aliberü yamlarübo, tüsho kemelbo le donkibo jihdo.

THRÜNTAN 26:12

Judüki Isaknü ju lo ching mükhean, tüsho ju kam chinü alü thsüde yimlu; tüsho Atungpuhnü api müngühjih.

THRÜNTAN 26:13

Mihtsürü ju alarü kam, tüsho api khide mülakhityi khiungde lakihde yü.

1 KIULONG THSÜRÜ 21:19

Nünü api ki thaang, “Atungpuhnü ha thachoh: Nünü mihtsürü laksahdü de, tüsho yamalo she ludü de?” Nünü api ki thaang, “Atungpuhnü ha thachoh: khihnubonü Naboth thiyih müleakpung ching, khihnubonü nü thiyih she amüleakbah.”

1 KIUTHSÜYUKHEAN 4:10

Jabeznü Israel Thrünpuh ki jide tha, “O nünü I müngühjang tüsho I lomi tode kamshang! Nü khah I lung labah, tüsho thsümütsü chingnü I küma zoang, junangde thsünükhi chingnü I zuzu labah.” Tüsho api tamkhüntamnükhi Thrünpuhnü alojih.

2 KIUTHSÜYUKHEAN 25:9

Amazianü Thrünpuh mihtsürü ki tha, “Tüshe inü Israel bonungrü kilim jihkhi shotoyinchi khahngak 3400 dünkheak isanü küde athsüpü?” Thrünpuh mihtsürünü alo, “Atungpuhnü ha kheaknü alü nü kilim jihkhuklah.”

2 KIUTHSÜYUKHEAN 32:27

Hezekia lakhit ato tüsho wüntrepü lakheah; tüsho apinü anihbuh yo shotoyinchi, suna, shotolungbo, thüneathürabebo, tsungbo, tüsho amo achak kukruk alala thsungkheak rahpung-yam thsü;

2 KIUTHSÜYUKHEAN 32:29

Junangde api thsungkheak kiutobo, mihnu tüsho moshi boto suhdahde alakheah; tümüde Thrünpuhnü api kilim lakhit ato jih.

MUNGSHIKHÜN 107:38

Apinü arü müngühjih, tüsho arü tode wüh bu; tüsho apinü arü moshi münungzüshih.

MUNGSHIKHÜN 127:2

Akeangkeang ching nü mükikde asürüchoh, zhomade yapchoh, tsühyungbe tsühpü thsungkheak rhimochoh; tümüde apinü amuzhorü kilim ayappü mülüjihchoh.

MUNGSHIKHÜN 37:22

Atungpuhnü müngühjihrünü lomi yamrüplurüp lubah, tüshe apinü muthrumüneanrü a yankhita bahbah.

MÜCHITMUDU 14:24

Lümlung larü kuthran ju arü lakhitbo lah, tüshe makharü mudukmükekhi ju makhakhi sangbünlak ah.

MÜCHITMUDU 20:21

Atankih ching niokheamde alü thsükhi lakhit ju akheam ching müngühmühi mülade akambah.

MÜCHITMUDU 28:22

Mükhütmüra mihtsürünü lakhitbo dunglim müshamchoh, tüsho nihbuh kheak mükheakmürak arübah de apinü lümamükheah.

MÜCHITMUDU 8:21

junangde inü I muzhorü kilim lakhit yamrüplurüp lushihbah, junangde inü arü rahpungbo mide akamshihbah.

DANIEL 1:15

Nimung thürü akheam ching arübo ju kiulongthsü jim tsührü athrününgtsüngbo alala kheaknü shihphü atsü tüsho shihkihde kheahkhit.

ZEKARIA 5:4

Inü yüshihdo, Wuto Atungpuhnü thachoh, tüsho ju ahührü yam ching tüsho I mung müshide akeangyu thiyuchihchimrü yam ching yüzahbah; tüsho ha ju yam ching labah tüsho sanglung le lungbo chido tsühabahbah.”

YUZÜNGTHALO 26:10

Tüsho kheahang, O Atungpuh , kheakü nünü I kilim jihkhi lo chingnü akhuh asokhi sangaso hande arüchoh.’ Muluk ju Atungpuh nü Thrünpuh miki zojang tüsho api miki khukningang.

YUZÜNGTHALO 28:11

Tüsho Atungpuhnü nüsa jipürü ki nüsa jihpü alokhikhi lo ching, nüsa tsührübo, akam-shiwüh, tüsho alo chingnü akhiukkhi suhdahde ajihbah.

JIHUSUA 6:18

Tüshe thsümünima bahpü lakhi kukrukbo nüsanü dulu; jude thsüsho, nünü Israel binkheampung ching küpkhuk tüsho athsümünim handarübah.