MÜCHITMUDU 10:17 - AMÜSÜH HÜM CL Bible (BSI)

¹⁷ Shepünü thsangdankhi zochonü rhangdung limro ching lah, tüshe shepünü athürühkhi reanglochonü tsophülapchoh.

MÜCHITMUDU 10:17 Iomraidhean Croise

2 KIUTHSÜYUKHEAN 25:16

Tüshe api thade alachoki kiulongthsüpuhnü anihbuh ki tha, “Isanü nü kiulongthsü athsunganahrü thsüshihkhea de? Tukloang! Tümü thsüpü nü asheshihpü?” Jumonü wukihbuhnü tuklo, tüshe tha, “Thrünpuhnü nü thsümünimpü lümkihdo de inü mükheahlah, tümütüsho nünü ha rhimodo tüsho inü athsunganahkhi mani.”

MÜCHITMUDU 1:30

arünü inü thsangdankhi müleangkhi tüsho inü athürühkhi bahyuk,

MÜCHITMUDU 12:1

Shepünü thsangdankhi muzhochonü mükheahmudu muzhochoh, tüshe shepünü athsülangkhi thraneanchonü makharü ah.

MÜCHITMUDU 15:10

Müküpde adanyukkhi ju limro bahyukrü thsungkheak lah, tüsho shepünü athsülangkhi thraneanchonü ashebah.

MÜCHITMUDU 15:32

Shepünü adanyukkhi amümürang thsüchonü nihbuh mükhemükimchoh, tüshe shepünü thsülangkhi anichonü anikhitkhi alü thsüchoh.

MÜCHITMUDU 29:1

Shepü alochode thsülangjihjih she mulong müküpchonü, müthsüngukhukpü thsüde zukleangnü athsümünimbah.

MÜCHITMUDU 3:18

Anihbe kheak tholorü kilim hoju rhangdung sangdung ah; düngde anihbe tholorü ki asühpü de jichoh.

MÜCHITMUDU 4:13

Thsangdankhi düngde tholoang, dütsoshih; ju tsüde aheangang, tümüde ju nü rhangdung ah.

MÜCHITMUDU 4:4

apinü I ki thsangyu tüsho tha: “Nü mulongnü I yubo zoang; I yukhümbo zoang tüsho laang.

MÜCHITMUDU 5:12

tüsho thachoh, “ Küdükhüh inü thsangdankhi thraneande, tüsho athürühkhi I mulongnü abahyukkhea!

MÜCHITMUDU 5:14

I a athsümünimpü tsangde, amukhungrü alala bolung lakheah.”

MÜCHITMUDU 6:23

Tümüde thiyukhüm ju tsün, tüsho yakzan ju ayin ah; tüsho adanyukkhi thsülangkhi ju rhangdung limro ah,

T H S AN GYU T H S AN GR ARÜ 5:6

Nü münnü nü aneak ching dübeshih, tüsho Thrünpuh yunithsürü miki ha lakmihdo de dütha; tümüde Thrünpuhnü nü kheak bukakhiukshihpü, tüsho nü khah rhimobo thsümünimshihpü?

LUKNÜ ATHRÜTKHI THIYUSHEAK-ATSÜ HUHTANYU 11:28

Tüshe apinü tha, “Ju kheaknü alü, sherünü Thrünpuh yu anichonü arü asühpü!”

IBRI 12:25

Shepünü asukchonü, api ki müreanglopü atünadoang. Alomi ching akin yusheak jihrü ki sherünü reanglokheanü mutsokhide lado. Dale tüsho yinmi chingnü asukrü kheaknü isanü rholode tsosho isanü atsokhipü küdükhüh achak laba?

IBRI 2:1

Jumonü isanü asokhi kheak mulong jihbeah, jude yungsho ju chingnü bede tsoabahbah.

MAHKHAPRÜ 19:17

Küyimki zünga kheahkhea, apinü kiuto wungdo phulung ching hantsahrü ngü; tüsho ashinbuhnü tha, “Nüsa küchingnü arücho tüsho külim yücho?”