MÜCHITMUDU 10:15 - AMÜSÜH HÜM CL Bible (BSI)

¹⁵ Alarü mihtsürü lakhit ju api chipi ayünkhi kiuto ah, tüshe zhochihrü thsümünimkhi ju arü zholümkhi ah.

MÜCHITMUDU 10:15 Iomraidhean Croise

MUNGSHIKHÜN 49:6

mihtsürü sherünü arü lakhit ching kincho tüsho arü lakhit müthangmüsünkhi dünkheak kükheangcho?

MUNGSHIKHÜN 52:7

“Thrünpuh ju nihbuh sühmüh müthsükhi mihtsürü ha ching lah, tüshe api lakhit suhdahkhi ching kin, tüsho api mihbukmuyuk ching düküngde kam.”

MÜCHITMUDU 14:20

Zhochihrü mihtsürü ju nihbuh yamhingrünü she thraneanchoh, tüshe alarü a müyamrü ahihdo lah.

MÜCHITMUDU 18:11

Alarü lakhit ju api kiuto amüküp lah, arünü ju chipi achang nangde lümchoh.

MÜCHITMUDU 19:7

Zhochihrü a nihbuh keoniorü alalanü thraneanchoh; anihbuh müyamrünü küdükhüh she api kheaknü limshude tsocho! Apinü arü mushude müshamsham she, arünü api bahyukchoh.

T H S AN GYU T H S AN GR ARÜ 7:12

Sho ha kurampung lakhi nangde lümlung ha kurampung ah, tüshe mükheahmudu alü thsükhi ju lümlung larü junü rhangdung jihchoh.

JEREMIA 9:23

Atungpuhnü ha thachoh: Lümlung larü arü lümlung ching dükükheangshih, sühmüh larü arü sühmüh ching dükükheangshih, alarü arü lakhit ching dükükheangshih;

MARK 10:24

Tüsho jingyanrübonü api yu dünkheak müyinsah. Tüshe Jisunü arü ki thalo, “Azürübo, lakhit kheak kinrünü Thrünpuh kiulongthsü ching yüzahpü küdükhüh achak a!

LUKNÜ ATHRÜTKHI THIYUSHEAK-ATSÜ HUHTANYU 12:19

Tüsho inü I me ki thabah, “Me, nünü kam ahihdo thsungkheak kukruk hihde zolah; nü zuzu thsang; tsühang, yungang tüsho asühang.” ‘

1 TIMOTHI 6:17

Ha lomi ching mükükheangpü tüsho mümütsankhi lakhit ching yungde, isa asühshihpü lüpdükhi muzhomopungde ajihbuh Thrünpuh kheak arü mulonglam zopü alarü ki thiyukhüm jihang.