MÜCHITMUDU 10:14 - AMÜSÜH HÜM CL Bible (BSI)

¹⁴ Lümlung larü mihtsürünü mükheahmudu zomukhungchoh, tüshe makharü mün ju athsümünim thüninde lah.

MÜCHITMUDU 10:14 Iomraidhean Croise

MÜCHITMUDU 1:5

lümlung larü mihtsürünü anibah tüsho anikhitkhi alü thsübah, tüsho anikhitkhi mihtsürünü lümlung thiyankhi ngübah–

MÜCHITMUDU 10:10

Shepünü müknü ajuhchonü küpkhuk akhiukshihchoh, tüshe shepünü mikinü thürühchonü mungtsü thsungkheak rhimochoh.

MÜCHITMUDU 10:8

Mulong rhangrünü thiyukhümbo leangkhichoh, tüshe makhayu thakhi athsümünim arüchoh.

MÜCHITMUDU 12:23

Lümlung larü mihtsürünü mükheahmudu rama zochoh, tüshe makharübo mulongnü makhakhi zhirichoh.

MÜCHITMUDU 13:3

Shepünü nihbuh mün kümkangchonü api rhangdung lachoh, tüshe shepünü mün tochonü athsümünimkhi labah.

MÜCHITMUDU 17:20

Shepü mülapmüji mulong lanü atsü tümü müngüchoh, tüsho shepü mülapyuk mulo lanü amütsü ching keamyukchoh.

MÜCHITMUDU 18:1

Mihtsürü shepünü nihbuh zangrü khükhitchonü apinü nihbuh künkhi yimchoh; apinü lümlung mahkhap alala azhihchoh.

MÜCHITMUDU 18:15

Lümlung larü mulongnü mükheahmudu ngüchoh, tüsho lümlung larü nükhünnü mükheahmudu yimchoh.

MÜCHITMUDU 18:7

Makharü mün ju nihbuh thsümünimbe lah, tüsho api yunü nihbuh me phuhchoh.

MÜCHITMUDU 19:8

Shepünü lümlung ngüchonü nihbuh me muzhochoh; shepünü anikhitkhi zochonü lalim tsübah.

MÜCHITMUDU 21:23

Shepünü nihbuh mün tüsho mulo kümkangchonü küpkhukbo chingnü api me tsokhitchoh.

MÜCHITMUDU 9:9

Lümlung larü mihtsürü kilim thsangdanang, tüsho api lümlung alü labah; thiyuro mihtsürü thsangyuang, tüsho api anikhitkhi ching rünkihbah.

T H S AN GYU T H S AN GR ARÜ 10:12

Lümlung larünü athakhi yunü api mungthu hande arüchoh, tüshe makharü münküpnü anihbuh muyuabahchoh.

MATHI 12:35

Mihtsürü atsünü api kheak lakhi atsü chingnü atsü akhiukshihchoh, tüsho mihtsürü amütsünü api kheak lakhi amütsü chingnü amütsü akhiukshihchoh.

MATHI 13:44

“Yinmi kiulongthsü ju mihtsürü khülangnü ngübah thulu ching rama-lakhi rahpung kiphahlah; ju kheak asühkhinü apinü yüchoh tüsho api lakhi alala yinbah ju lu thulochoh.

MATHI 13:52

Judüki apinü arü ki tha, “Jumonü yakzan thsangyurü yinmi kiulongthsü ching jingyanrü kamrü ju thüyam putungrünü anihbuh rahpung chingnü aso tüsho awün kukrukbo lude akhiukkhi kiphahlah.”