MÜCHITMUDU 1:7 - AMÜSÜH HÜM CL Bible (BSI)

⁷ Atungpuh trekhi ju mükheahmudu akhuhbe ah, tüshe makharünü lümlung tüsho thsangdankhi bahyukchoh.

MÜCHITMUDU 1:7 Iomraidhean Croise

JOB HU H T ANYU 28:28

Tüsho apinü mihtsürü ki tha, “Tsükjide, Atungpuh wüntrekhi ju lümlung ah; tüsho amütsü-rhimo chingnü achamkhipü ju anikhitkhi ah.”

MUNGSHIKHÜN 111:10

Atungpuh trekhi ju lümlung atankih ah; api yukhümbo rhimorü alala anikhitkhi atsü lah. Api shijihkhi lünnü rünkhiungde lah.

MÜCHITMUDU 1:22

Külokhüh nüsa lümlung thülihrünü nüsa athülih limrobo muzhoba? külokhüh nüsa kithsükilangrünü kithsükilangkhi ching asühba tüsho makharünü mükheahmudu thraneanba?

MÜCHITMUDU 15:32

Shepünü adanyukkhi amümürang thsüchonü nihbuh mükhemükimchoh, tüshe shepünü thsülangkhi anichonü anikhitkhi alü thsüchoh.

MÜCHITMUDU 15:33

Atungpuh trekhinü lümlung thsangyuchoh, tüsho azhihayih ju wüntre müngüh arüchoh.

MÜCHITMUDU 15:5

Makharünü nihbuh abuhnü thsangdankhi mükhemükimchoh, tüshe shepünü athsülangkhi luchonü lümlung larü ah.

MÜCHITMUDU 18:2

Makharünü anikhitkhi ching asühkhi müla, tüshe nihbuh lümkhi huhkhi lang lah.

MÜCHITMUDU 2:5

judüki Atungpuh trekhi anikhitbah, tüsho Thrünpuh mükheahmudu ngübah.

MÜCHITMUDU 23:9

Makharünü sode nünü dasuk, tümüde apinü nü lümlung yubo mükhemükimbah.

MÜCHITMUDU 9:10

“Atungpuh trekhi ju lümlung atankih ah, tüsho Amüsüh Khülang mükheahmudu ju anikhitkhi lah.

T H S AN GYU T H S AN GR ARÜ 12:13

Isanü alala zamrukhi akheam soanü: Thrünpuh treang, tüsho api yukhümbo zoang; tümüde mihtsürünü arhimobe alala ju ha lah.

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.

YUZÜNGTHALO 4:6

Jumonü jurübo anipü kümkangang: tümüde mihtsürübo mük ki ha nüsa lümlung tüsho mükheahmudu, harü sobah mihtsürübonü athabah, Tsükjide ha trükshih ato ha lümlung tüsho mükheahmudurü mihtsürübo ah!