MÜCHITMUDU 1:33 - AMÜSÜH HÜM CL Bible (BSI)

³³ tüshe sherünü I ki anibanü khümkhita labah, tüsho amütsü trepü mülade tsüde alabah.”

MÜCHITMUDU 1:33 Iomraidhean Croise

JOB HU H T ANYU 36:11

Arünü anisho, tüsho api tankihsho, arünü arü nimungbo lalim tsüde tüsho arü kambo reangkeamde hoshihbah.

MUNGSHIKHÜN 81:13

O, I mihtsürünü I ki anikhülaa, junangde Israelnü I limrobo ching tsahkhülaa!

MÜCHITMUDU 12:21

Thiyuro-lungkirü tümünü she mütrünthsü, tüshe mihbukmuyuk a amütsünü amibah.

MÜCHITMUDU 14:26

Atungpuh trekhi ching mulongram adüküng lah, tüsho api tsührübo tsoyukpung dangpung labah.

MÜCHITMUDU 9:11

Tümüde I hode nü nimungbo alü kamshihbah, tüsho rhangdung kambo nü kilim yukajakjihbah.

T H S AN GYU T H S AN GR ARÜ 8:12

Aneakrünü amütsü-rhimo chi khülang ki rhimomo she tüsho arü rhangdung shangde lalashe, sherünü Thrünpuh trechonü tsüde alabah de inü mükheahlah, tümütüsho arünü api ki trede zhipchoh,

ISAIA 26:3

Sherü lümkhi dükünglanü nünü mungtsü ching zochoh– tümütüsho arünü nü kheak kinchoh.

ISAIA 32:17

Thiyurolungki rhimokhi ching mungtsü labah, tüsho thiyuro-lungki hode akhiukkhi ju lünnü keamram tüsho akinashu labah.

ISAIA 48:18

O nünü I yukhümbo anido dükhülaa! junangde nü müngühmühi ju ayung nangde alabah, tüsho nü thiyuro-lungki ju keto abükkhi nangde alabah.

ISAIA 55:3

Nü nükhün muphoang, tüsho I kilim arang; aniang, junangde nü labah. Inü nü kheak akheam mülakhi tangzüng, inü muzhodakkhi, David thsungkheak tsükjide muzhokhi labah.

LEVI 25:18

Jumonü nüsanü Atungpuh yakzan thsükhibo tüsho thiyuzüngbo anide rhimoang, jude athsükhinü nüsa lomi ching tsokhitde alabah.

LEVI 25:19

Alonü hi mukhuhshihbah, tüsho nüsa bukthsüde tsühde tsokhitde alabah.

MATHI 17:5

Api thade alachoki, amo ayinatrüm khülangnü arü liudo, tüsho amo chingnü düsheak khülangnü tha, “Ha inü amuzhokhi I tsührü; api kheak inü mulong keamchoh. Api ki aniang!”

LUKNÜ ATHRÜTKHI THIYUSHEAK-ATSÜ HUHTANYU 21:19

Düküngde azhipkhi ching nüsa rhangdung alü thsübah.

LUKNÜ ATHRÜTKHI THIYUSHEAK-ATSÜ HUHTANYU 21:9

Tüshe küyimki nüsanü thirithsü tüsho alanaji sobanü dümüyinsah; tümüde harü akhuh dünjibah, tüshe akheam a nahde marü.”

1 PETER 1:5

sherü akheam kim ching amikheak akhiukpü lakhi akhümkhit thsungkheak akin hode Thrünpuh wunü aheangde la.