MÜCHITMUDU 1:28 - AMÜSÜH HÜM CL Bible (BSI)

²⁸ “Judüki arünü I ki jibah, tüshe inü malojih; arünü I düshihde ayimbah, tüshe arünü I müngü.

MÜCHITMUDU 1:28 Iomraidhean Croise

THRÜNTAN 6:3

Tüsho Atungpuhnü tha, “Inü mihtsürü lünnü alapü mümülüjih, tümüde api shih ah; api kam 120 labah.”

JOB HU H T ANYU 27:9

Api kheak küpkhuk arüchoki Thrünpuhnü api zhikhi soba de?

JOB HU H T ANYU 35:12

Ju ching arünü zhichoh, tüshe amütsü-rhimorü kükheangkhinü apinü malojih.

MUNGSHIKHÜN 18:41

Arünü zhi, tüshe arü khümkhitpü she mülakheah, Atungpuh ki she zhi, tüshe apinü arü ki malojih.

MUNGSHIKHÜN 18:42

Judüki inü apung müngüh asungthulung nangde arü zünak; kiudunglimrobo ching müneanmuru nangde inü arü jipa bah.

MUNGSHIKHÜN 66:18

Inü I mulong ching alakmihkhibo zokhülaa, Atungpuhnü I ki manijih-a labah.

MÜCHITMUDU 15:29

Atungpuh ju mihbukmuyuk kheaknü limshude lah, tüshe thiyuro-lungkirü tamkhüntamnükhi apinü sochoh.

MÜCHITMUDU 8:17

Sherünü I muzhochonü inü muzhochoh, tüsho sherünü düshihde I yimchonü I ngübah.

KHÜNBOLUNGKHÜN 5:6

Inü I tsübuh ki khimshuhjih, tüshe I tsübuhnü rholo tüsho tsoabah. Apinü asukchoki I mulongnü api kilim wukhiuk. Inü api yim, tüshe api müngü; inü api ji, tüshe apinü tümü malo.

ISAIA 1:15

Küyimki nüsanü nüsa khah chungkhitbanü, nüsa kheaknü I mükbo jikabahbah; nüsanü khide tamkhüntamnünü she, inü mani; nüsa khahbo thiyihnü milah.

JEREMIA 11:11

Jumonü, Atungpuhnü ha thachoh, lungdode inü arü kheak arünü mutsokhikhukpü thsüde thsümütsü handarübah; arünü I ki zhizhi she inü arü ki mani.

JEREMIA 14:12

Arünü khümkeak thsüthsü she, arünü azhikhi inü muso, tüsho arünü taka kingaünkhi tüsho hi kingaün jihjih she, inü arü müleangkhi; tüshe nukshangnü, khümzungnü, tüsho arüm-tukthsünü arü sheshihbah.

EZEKIEL 8:18

Jumonü inü bukakhiukde arü ki rhimobah; inü arü ki muzhode mükheah yungsho arü maningshih. Arünü I nükhün ching zhizhi she, inü arü ki mani.”

HOSEA 5:15

Arünü arü mülimkhi muhuhyi khiungde, inü I mihtsürü bahyukbah. Tüsho arünü I miro yimbah; arü thsünükhi ching arünü mushude I yimbah.

HOSEA 5:6

Arü mihnu tüsho moshi boto lung arünü arü Thrünpuh yimde ayübah, tüshe arünü api müyimkhit; arü kheaknü api tsoabahdo.

AMOS 8:12

Arünü keto chingnü keto khiungde, tüsho dukulimnü aniakhiuklim khiungde arümbah; arünü yüla arüla de Atungpuh yu yimde ashanbah, tüshe arünü ju müngü.

MIKA 3:4

Judüki arünü Atungpuh ki zhibah, tüshe apinü arü ki malojih; ju kim ching apinü amiro arü kheaknü ajikbah, tümütüsho arünü mihbukmuyukde rhimodo.

ZEKARIA 7:13

Inü arü jichoki, arünü manikhi nangde, küyimki arünü ajikheanü inü manijih, Wuto Atungpuhnü thachoh,

YUZÜNGTHALO 1:45

Judüki nüsa rholode arübahle Atungpuh miki trip, tüshe Atungpuhnü nüsa düsheak mani yungsho musojih.

JAKOB 4:3

Nüsanü kheangchoh tüshe müngü, tümütüsho nüsanü nüsa shihkünkhi ching bahpü amülimnü kheangchoh.

1 SAMUEL 8:18

Tüsho ju nimung ching nüsanü nüsa kiulongthsürü mokhitkhi dünkheak nüsanü azhibah; tüshe Atungpuhnü ju nimung nüsa ki malojih.”